පරිසර නීති උල්ලංගනය කරන අවස්ථා.
දිනෙන් දින සංවර්ධනය කරා ගමන් කරන ලෝකය ඒ සඳහා අසීමිත ලෙස පාරිසරය භාවිත කරණු ලබයි. මේ අනුව පරිසර දුෂණයද විවිධ පැතිකඩ ඔස්සේ සිදුවෙමින් පවතී. මෙලෙසින් දිනෙන් දින සිදුවන පරිසර හානිය අවමකර ගැනීමට පරිසර නීතිය දායක කර ගත හැකිය. ජාතික සේම ජාත්‍යන්තර වශයෙන්ද පවතින පරිසර නීතිය පරිසරය ආරක්‍ෂාකර ගැනීමට සහාය කර ගත හැකිය. පවත්නා පාරිසරික ගැටළු අවබෝධ කර ගැනීමට සහ පරිසරය ආරක්‍ෂාකර ගැනීමට අදාල ප‍්‍රතිපත්ති ඇතුලත් නීති මාලාවක් සෑම රටකම පාහේ දැක ගත හැකිය. නමුත් අවාසනාවට කරුණක් වන්නේ ලෝකයේ බොහෝ රටවල පරිසරය ආරක්‍ෂා කිරීමට බිහිකර ඇති සංවිධාන විසින්ම පරිසර නීති උල්ලංගනය කිරීමයි. මෙය බරපතල තත්වයකි. විශේෂයෙන්ම කාර්මික සංවර්ධනයේ ඉහළින්ම සිටින රටවල් සේම සංවර්ධනය කරා වේගයෙන් ගමන් කරන රටවල් තුල ද මෙම තත්ත්වය වැඩිවශයෙන් දැකගත හැකිය. වාණිජ ලෝකයේ සංවර්ධනය කරා යන ගමනේදී ඔවුන් පරිසරය අමතක කර දමයි. පාරිසරික සංවර්ධනය ද රටක සංවර්ධනය මනින එක් මිනුම් දණ්ඩක් බව ඔවුන්ට අමතක වූ සෙයකි.
නිදසුන් ලෙස ගත් කල පසුගිය කාලයේ සිදු වූ ජපානයේ කුකුෂිමා න්‍යෂ්ඨික බලාගාර විධාරනය දරුණු පාරිසරික ගැටළුවක් විය. ලෝක පරිසර නීතිය විසින් එයට බලපෑම් කලද එම බලපෑම් නොතකා එය අදටත් ක‍්‍රියාත්මක වන ආකාරයක් දැකගත හැකිය. එසේම ඇමරිකාව රුසියාව ඉරාකය වැනි රටවල් නිරන්තරයෙන් න්‍යෂ්ඨික අවි අත්හදා බැලීමට පෙළඹී සිටියි. මේ හේතුවෙන් ස්වභාවික පරිසරයට පමනක් නොව මානවයාට ද සිදුවන බලපෑම තක්සේරු කළ නොහැක. මේ සඳහාද තහනම් නියෝග පැනවී තිබුනත් ඔවුන් ඒවා නොතකමින් කටයුතු කරනු දැකගත හැකිය. ජාත්‍යන්තරික වශයෙන් ගත් කල දුර්ලබ සත්ව ඝාතනයන් මෙන්ම අක‍්‍රමවත් ඉන්ධන ප‍්‍රවාහනය නිසා සාගර ජලයට ඉන්ධන එකතු වීමෙන් සාගර පරිසර පද්ධතිය විනාශවීම ද දරුණු පරිසර ගැටළුවකි.
අමිල නුවන් මධුසංඛ
No comments:
Post a Comment