පරිසරය ආරක්‍ෂා කිරීම සම්බන්ධව මිනිසාගේ වගකීම.
ස්වභාවික පරිසරය සමගින් මිනිසට තිබෙන බැදීම අපට කිසිසේත්ම සුළුකොට තැකිය නොහැකිය. මිනිසා මේ මිහිමත පය තැබූ දා පටන් මේ දක්වා ස්වභාවික ලෝකය සමඟ අන්තර් ක‍්‍රියා කරමින් ජිවත් වෙයි. අපගේ ජිව විද්‍යාත්මක පැවැත්මට අවශ්‍ය කරන මූලික දේ වන සුළඟ ජලය සූර්යාලෝකය වර්ෂාව යන මේ සියල්ල සොබා දහමේ දායාදයන් ලෙස නම් කිරීම අසාධාරණ නොවේ. මිනිසාට පමනක් නොව ලොව කිසිදු සත්ත්වයකුට ඉහතින් දැක් වූ සම්පත් නොමැතිව පැවැත්මක් ගැන කථා කළ නොහැකි ය. මේ අනුව මිනිසා සහ ඔහු ජිවත්වන ස්වභාවික පරිසරය අතර අවියෝජනීය සම්බන්ධයක් පවතින බව පෙනී යයි.
උක්ත කාරණා නිසාවෙන්ම පරිසරය ආරක්‍ෂා කිරීම සම්බන්ධව මිනිසාට වගකීමක් නොව යුතුකමක් ඇත. මිනිසා රැුකෙන්නේ පරිසරය රැුකුනොත් පමනකි. එපමනටම පරිසරය හා මානවයා අතර ඇත්තේ නොබිඳිය හැකි බැඳීමකි. සබඳතාවයකි. මිනිසා තමා වටා ඇති සියළුම භෞතික අභෞතික දෑ පරිසරය ලෙස හදුනාගන්නා අතර පරිසරය අසීමිතව තම පැවැත්ම උදෙසා ප‍්‍රයෝජනයට ගනී. පරිසරය නම් සම්පතද ක්‍ෂය වීම සාමාන්‍ය සිදුවීමකි. ක්‍ෂය වන්නේ පාරිසරික සම්පත් පමනක් යැයි සිතා මානවයාට තම සිත රවටාගත නොහැකිය. මන්ද යත් එ් හා සමගම මානවයාගේ පැවැත්ම ද තීරණය වන බැවිනි. පාරිසරික දායාද අපේ සහෝදර සහෝදරියන් ලෙස ලේ බැඳීමකට සියැටල් සමාන කළ ද අප එ් ලේ බැඳීම පළුදු කොට හමාරය. මිනිසා හා පරිසරය අතර ඇත්තේ වෙන් කළ නොහැකි සබඳතාවයකි. මිනිසා මුළුමනින්ම පරිසරයෙන් යැපෙන අතර ඔහු බොහෝ පාරිසරික වෙනස්කම් ද ඇති කරයි.
පරිසරයේ පවතින අපද්‍රව්‍ය අවශෝෂණය කිරීමේ ගුණය එනම්, ජිව ක‍්‍රියාවලිය හා ආර්ථික ක‍්‍රියාවලිය තුළින් මානවයා නිපදවන අපද්‍රව්‍ය පරිසරයට අවශෝෂණය කරගනී. උදාහරණ ලෙස මිනිසා හා සතුන් නිපදවන කාඉන් වායුව පරිසරයේම ඇති සංඝටකයක් වන ශාක මගින් අවශෝෂණය කර ගැනීම දැක්විය හැකිය. මෙබදු විශාල කාර්යයන් රැුසක් පරිසරය හා මිනිසා අතර අන්තර්සබඳතාව ශක්තිමත් කරනු වස් පරිසරය පැත්තෙන් ඉටුවන බව පෙන්වා දිය හැකිය. නමුත් පරිසරයේ ඇති මෙම හැකියාවට සීමාවක් පවතින අතර අපද්‍රව්‍ය නිපදවීමේ සීඝ‍්‍රතාවය පරිසරයේ අවශෝෂණ ධාරිතාවය ඉක්මවා යාමෙන් මෙම තුලනය බිඳවැටිය හැකි බව පරිසර විද්‍යාඥයන්ගේ මතය වේ.
මිනිසාට කිසිදුවිටක ස්වභාවික පරිසරයට බලපෑම් කළ නොහැකිය. මන්දයත් මිනිසාද සොභාදහමේම නිපැයුමක් වන බැවිනි. මිනිසාගේ සෑම ක‍්‍රියාවක්ම රැුදී පවතින්නේ පරිසරය පවතින තාක් පමනකි. එබැවින් වර්තමානය පිළිබඳව පමනක් නොව අනාගත පරම්පරාව ගැනද අවදානය යොමු කරමින් පරිසරය ආරක්‍ෂා කර ගැනීම මිනිසා සතු කාර්යයකි.
අමිල නුවන් මධුසංඛ
No comments:
Post a Comment