අසභ්‍ය වෙබ් අඩවි වලට ළමයින්ගේ යොමුවීම
වත්මන් ගෝලීය අධ්‍යාපන රටාව තුල ළමුන් අන්තර්ජාලයට අසාමාන්‍ය ලෙස ඇබ්බැහි වී සිටින අතර එය ඔවුන් අතර ඉතා ජනප‍්‍රිය මාධ්‍යයක් බවට පත්වී හමාරය. මේ තුලින් දරුවන්ට ධනාත්මක දේ බොහෝමයක් ලබා ගත හැකි වූවත් අවාසනාවකට මෙන් ඔවුන් බහුතරයක් එයින් ලබා ගන්නේ අසභ්‍ය දේවල්ය. ළමුන් පමනක් නොව ඇතැම් වැඩිහිටියන් විසින්ද මෙය සිදු කරනු ලබයි. විශේෂයෙන්ම අන්තර්ජාලය හා සම්බන්ධ ලිංගික ක‍්‍රියාවන් සදහා අද බොහෝ පිරිස් සූක්‍ෂම ආකාරයට ආකර්ශනය කරගෙන සිටියි. අන්තර්ජාල තුල පවතින දහස් ගණනක් අසභ්‍ය වෙබ් අඩවි වලට පිවිස අසභ්‍ය චිත‍්‍රපට මෙන්ම අසභ්‍ය වීඩියෝ පට නැරඹීමට ද පුරුදුව සිටියි. මේ නිසා
- වැරදි ආකාරයේ ලිංගික අධ්‍යාපනයක්
- අසම්මත ලිංගික චර්යා
- ගණිකා ඇසුරට යොමු වීම්
බහුල වශයෙන් සිදුවේ. එසේම අන්තර්ජාලය මගින් පවත්වාගෙන යන ළමා ලිංගික වෙළදපොළක් ද මේ තුල නොපෙනෙන අයුරින් ක‍්‍රියාත්මක වෙයි. එනිසා මෙම අසභ්‍ය වෙබ් අඩවි හරහා ළමුන්ට විශාල බලපෑමක් සිදුවේ. ලංකාවේ පාසැල් ළමුන් විශාල ප‍්‍රමාණයක් නිරන්තරයෙන් අන්තර්ජාලය හරහා අසභ්‍ය චිත‍්‍රපට නරඹන අතර මෙරට පොලීසිය විසින් මෙවැනි දරුවන් විශාල පිරිසක් පරිවාසයට යොදවන ආකාරයක් ද දැකගත හැකිය.
මෑතකදී මැදවච්චිය මෛත‍්‍රීපාල සේනානායක පාසැලේ උසස්පෙළ හදාරන සිසුවෙක් සහ සිසුවියක් ලිංගිකව එක් වන ආකාරය දැක්වෙන වීඩියෝ පටයක් කැබිතිගොල්ලෑව පොලීසිය විසින් සොයාගෙන ඇත. එසේම ඒවා අසභ්‍ය වීඩියෝ දර්ශන සහිත වෙබ් අඩවියකට ලබා දීමට ද ඔවුන් සූදානම්ව සිටි බව පසුව සොයාගෙන තිබෙයි. එසේම ෆේස් බුක් යනු ළමුන් අතර ජනපි‍්‍රය සමාජ ජාල වෙබ් අඩවියකි. මෙහි නිර්මාතෘ මාක් සකර්බර්ග් මෙය නිර්මාණය කලේ ගෝගීය මිතු දම ශක්තිමත් කිරීමටයි. නමුත් මේ තුලින් සමාජයට සිදුවන බලපෑම සුළුපටු නොවෙයි. ඇතැම් දරුවන් අනවශ්‍ය පෙම් සබඳතා ඇතිකර ගන්මින් ජිවිතය පවා විනාශකර ගනිති. ඇතැම් ගැහැණු දරුවන් තම පවිත‍්‍රත්වය පවා විනාශකර ගනිති.
ළමුන් ලිංගික අපචාර වලට යොමු වීමේ මූලක පියවර වන්නේ මෙම අසභ්‍ය වෙබ් අඩවි වලට යොමු වීමයි. මේවා නැරඹීමට ඇබ්බැහි වූ දරුවන්ගේ තත්ත්වය අතිශය ශෝකජනකය. විශේෂයෙන්ම අසාමාන්‍ය මානසික වෙනස්වීම් වලට විකෘති ලිංගික ආශ්වාදයන්ට ඔවුන් නොදැනුවත්වම ඇබ්බැහි වෙයි. පසු කලෙක
- අපරාධකරුවන්
- ස්ත‍්‍රී දුෂකයන්
- මිනීමරුවන්
- ළමා අපයෝජකයින්
බවට පත් වනුනේ මොවුන්ය. පරිගනකයක් අද වන විට සෑම නිවසකම පරිඝනකයක් නොමැති වුවද පරිඝනක පාඨමාලා වලට යාමට ළමුන් පෙළඹී සිටියි. මේවා තුල පෞද්ගලිකත්වය හොදින් ආරක්‍ෂා වන නිසා මේවායෙන් අසභ්‍ය වෙබ් අඩවි වලට ඇතුලත් වෙයි. මේ නිසා රටේ සංස්කෘතික පරිහානිය ද දිනෙන් දින වර්ධනය වෙයි. මෙම උවදුරෙන් ළමුන් ආරක්‍ෂා කර ගැනීමට නම් අසභ්‍ය වෙබ් අඩවි තහනම් කළ යුතුම වෙයි.
අමිල නුවන් මධුසංඛ
No comments:
Post a Comment