ඒ වගේ කොල්ලන්ට තමයි මම කැමති ... (වානී කපූර්) 

හරිම තරඟකාරී ගමනක නිරතවන බොලිවුඩ් පුරයේ අලුත් මුහුණකට තැනක් ලැබෙන්නේ බොහොමත්ම කලාතුරකින්. දවසින් දවස පායන තරු එක රැයින් නිවිල යනකොට ඒ නිවෙන තරු අතරේ දීප්තිමත් තාරකාවක් වෙලා ඉන්න තියෙනවානම් කොයිතරම් දෙයක් ද ? අපි අද කතාකරන්න යන තරුවත් අන්න ඒ වගේ. ඒ වෙන කවුරුත් නෙවෙයි. වානී කපූර්. කපූර් කියන නම තිබුනට මොකද මෙයාගෙ කවුරුත් බොලිවුඩ් වලටනම් සම්බන්ධ නැහැ. හැබැයි දක්‍ෂතාවයනම් අඩුවක් නැතිව මෙයාට ලැබිල තියෙනවා. යාෂ් රාඡ් සිනමා සමාගම 2013 වර්ෂයේ නිපදවූ ශුදා දේසි රොමෑන්ස් සිනමාපටයෙන් පෙරළිකාර ගමනක් ඇරඹූ වානි පළමු රංගනයෙන්ම සම්මානනීය වෙන්න තරම් වාසනාවන්ත වුනා. ආහා කල්යානම් ඔස්සේ දමිල සිනමාව ඇතුලෙත් තමන්ගෙ සලකුණ තියපු වානී 2016 අපි කාටත් අමතක නොවන රංගනයක් රන්වීර් සිං එක්ක එකතුවෙලා බර්ෆිකේ චිත්‍රපටයෙන් ලබාදුන්නා. ඇවිදින ගමන් කරන කතාබහේදී වානි මොනවද කීවෙ කියල අපි බලමුකො ... 

■    වානී මේ දවස්වල කාර්යබහුලයි වගේ ...

ඔව් ටිකක් විතර කාර්යබහුලයි. හැබැයි ඒ සිනමාව පැත්තෙන්නස නෙවෙයි. මෝස්තර නිරූපනය පැත්තෙන්. සිනමාවත් එක්ක මගේ මොඩ්ලින් ලයිෆ් එක මගහැරුනා. මට ඕනි ආයෙමත් නිරූපිකාවක් ලෙස කාර්යබහුල වෙන්න.

■ බර්ෆිකේ වලින් පස්සෙ වැඩ ලැබුනෙ නැතිද ?

බර්ෆිකේ කියන්නෙ ගොඩක් සාර්ථක චිත්‍රපටයක්. ඒකෙන් පස්සෙ මට වැඩ කිහිපයකටම ආරාධනා ලැබුනා. නමුත් ඒවා සතුටුවිය හැකි නිර්මාණ නෙවෙයි. ඉතින් අකමැත්තෙන් උනත් සමහර නිර්මාණ අතහරින්න සිදුවුනා.

■ සම්මාන ලබපු නිසා දැන් ගනන් උස්සනව වගේ ...

අනේ නැහැ. මම තවම පුංචි නිළියක්. ඉතින් මොකට ගනන් උස්සනවද ? හිතට නොගැලපෙන වැඩ කරලා ප්‍රේක්‍ෂකයන්ගෙන් දුරස් වෙන්න මට ඕනි නැහැ. මගේ කොහොමත් තියෙන්නෙ හිමින් ගමනක්. ඉතින් මම මගේ ගමන බොහොම හිමින් සහයෝගයෙන් යනවා.

■ රන්වීර් සහ ඔබ අතර රහස් සම්බන්ධයක් තියෙනවා කියල කටකතා පැතිරුණා ...

කටකතානම් කාටද හදන්න බැරි. ඒත් ඒවා පදනම් විරහිතයි. අපි ගොඩක් ගැලපෙන කපල් එකක් තමයි. හැබැයි ඒ සිනමාවෙදි විතරයි. බර්ෆිකේ ඒකට හොදම සාක්‍ෂිය. අපි අදටත් හොදම යාලුවෝ ආයෙත් රන්වීර් එක්ක වැඩ කරන්න කැමතියි. වෙන දෙයක් නැහැ.

■ සුෂාන්ත් රාඡ්පූත් සිංගෙන් විවාහ යෝජනාවක් ආවොත් ...

ඹ්ට අවුරුදු කිහිපයකට කලින් ආවනම් මම අනිවාර්යෙන්ම කැමති වෙනවා. ඒ වගේ කොල්ලෙක්ට තමයි මම කැමති. ඒත් අවාසනාවට එයත් විවාහ වෙලානෙ. ඉතින් මම ඒකට පරක්කු වැඩියි. 

■ විවාහ වෙන්න කලින් එකට ඉන්න එක ඔයා අනුමත කරනවාද ?

මම ටිකක් හිතන්නෙ වෙනස් විදිහට. සාම්ප්‍රදදායික කෙල්ලෙක් නෙවෙයි මම. මට ගැලපෙන කෙනෙක් හමුවුනොත් එයත් එක්ක එකට ජීවත් වෙන්න විවාහ වෙන්නම ඕනි නැහැ. දෙපාරක් හිතන්නෙ නැතිවම මම ඒ තීරණය ගන්නවා.

■ ශුදා දේසි රොමෑන්ස් චිත්‍රපටයේදී ඔබ සහ පරිනීති අතර ගැටුම් ඇතිවුනාලු නේද ?

කවුද ඔය කතාව කීවෙ ? සුෂාන්ත් ද ? නැතිනම් පරිනීති ද ? එකට වැඩකරන මිනිස්සු එක්ක ගහගන්න පුරුද්දක් මට නැහැ. අනික මම් පරිනීතිත් නූගත් කෙල්ලො නෙවෙයි. ප්‍රශ්නයක් තියෙනවනම් ඒක විසඳගන්නවා. ගහ මරාගන්නෙ නැහැ. 

■ ඛාන් නලුවන්ගෙන් ඔයා ගොඩක් කැමති කාටද ?

ඒ හැම කෙනෙක්ටම මම ගොඩක් කැමතියි. සමහරවිට ලගදීම සල්මන් ඛාන් එක්ක මාව චිත්‍රපටයකින් දැකගන්න ලැබෙයි. ඒක ගොඩක් කාලෙක සිට තිබුණු හීනයක්. 

■ හෝටල් ක්‍ෂේත්‍රයේ රැකියාවකට කැමැත්තෙන් ඉන්නව කියන්නෙ ඇයි ? 

මම ඉගෙනගත්තෙ හොටෙල් කළමනාකරණය. ඉතින් මම ඉගෙනගත්තු දෙයින් ප්‍රයෝජනයක් ගන්න ඕනිමයි. මගේ අම්ම කියන්නෙ හැමදාම රඟපානවට වඩා හොද රස්සාවක් කරන්න කියල. මගේ හැකියාවන්ට සරිලන වැටුපක් ලැබුනොත් මම කැමැත්තෙන්ම ඒ රස්සාව බාරගන්නව.

■ ඒ කියන්නෙ සිනමාවෙන් සමුගන්නවද ?

කොහෙත්ම නැහැ. මම මේ තැනට ආවෙ ගොඩක් මහන්සියෙන්. ඉතින් ඇයි මම මේ ජීවිතේ අතාරින්නෙ. සිනමාව, නිරූපනය, රැකියාව සමබරව කරගෙන යන්න හැකියාවක් මට තියෙනවා. ඉතින් ඒක මට ප්‍රශිනයක් නෙවෙයි.

■ හොලිවුඩ් වල නලුවෙක් එක්ක හිංදි චිත්‍රපටයක රඟපාන්න ලැබුනොත් ...

ඒක කොයිතරම් දෙයක්ද ? මම කැමැත්තෙන්ම රඟපාවි. ටෝම් කෲස්ට මම ගොඩක් කැමතියි. එයා එක්ක රඟපාන්න ලැබුනොත් ඒක මගේ හීනයක් හැබෑ වීමක්. එකට රඟ නොපෑවත් දවසක හැබෑවටම එයාව හමුවීමට මගේ කැමැත්තක් තියෙනවා.

■ ඔබට හොදටම හදන්න පුලුවන් කෑම මොනවද ?

මට ඕනිම දෙයක් හදන්න පුලුවන්. හැබැයි ඒව කන්න පුලුවන්ද කියල අහන්න ඕනි අපේ ගෙදර අයගෙන් තමයි. හොද කියන්නෙ ඕනිම කෑමක් මට කන්න පුලුවන්. ඒ පැත්තෙන්නස මම ඉදිරියෙන්ම බන්නවා. 

■ වානී දේශපාලනයට ඒවිද ?

කවදාවත් නැහැ. දේශපාලනය කරන්න තරම් හැකියාවක් මට නැහැ. ම ඒක හොදටම දන්නවා. මගේ රටේ වැසියන් අපහසුතාවයට පත්කරන්න මම කැමති නැහැ. 

■ ඔයා හීන දකින්න ආසයිද ?

අනිවාර්යෙන්ම. හැබැයි ඒ හැම හීනයක්ම සුන්දර විය යුතුයි වගේම හැබෑ කරගන්නත් පුලුවන් ඒව වෙන්න ඕනි. 

■ ඔයාට හොදටම කරන්න පුලුවන් මොනවද ?

මට හොදට සෙල්ලම් කරන්න පුලුවන්. බාස්කට් බෝල්, බැඩ්මින්ටන් වගේම ස්වීමින් තමයි මගේ ප්‍රයතම ක්‍රීඩාවන්. ඒවාට අමතරව මට කඳුළු එනකම් හිනාවෙන්න පුලුවන්. වටේ ඉන්න අයව හිනස්සන්නත් පුලුවන්. 

සටහන :- අමිල නුවන් මධුසංඛ 

බේබම්මගේ ආදරයෙන් පිස්සු වැටුණු ආසිගේ කතාව බලන්න කැමතිද ? 

Amila You Tube

ආදරය කියන්නේ වෙනස්ම විදිහේ හැගීමක්. මේ හැගීම තියෙන්න ඕනි හදවතේ මිසක් දේපළ, මිල මුදල් හෝ භාහිර අගපසග මත නෙවෙයි. ආදරේ හරියට නැගෙන රළක් වගෙයි. මුහුදකට සීමා මායිම් දාන්න පුළුවන් වුනාට නැගෙන රළකට සීමාවක් දාන්න කාටවත්ම බැහැ. අන්න ඒ විදිහේ ලස්සන කතාවක් ඇතුලත් චිත්‍රපටයක් මේ දවස්වල බොහෝ දෙනාගේ කතාබහට ලක් වෙලා තියෙනවා. බුවී බාබු සනා විසින් අධ්‍යක්‍ෂණය කරන ලද නවීන් යෙර්නානි විසින් නිෂ්පාදනය කරන ලද තෙළිඟු සිනමාපටයක් තමයි මේ. ඒ Uppena. මෑතක ඉදලා ලාංකේය රසිකයින් තෙළිඟු සිනමාපට කෙරෙහි වැඩි නැඹුරුවක් දක්වන්න පටන් අරගෙන. ඉතින් ඔවුන් වෙනුවෙන් තමයි අපි අද Uppena ගැන කතා කරන්න හිතුවේ. 

Uppena එහෙමත් නැතිනම් නැගෙන රළ සිනමාපටයේ තිර රචනය වයි. රවිශංකර්, සුකුමාර් සහ බුවි බාබු සනා විසින් සිදුකර තිබෙනවා. Uppena හරහා අලුත් මුහුණු කිහිපයක්ම සිනමාවට එකතු වෙනවා. ඒ අතර ප්‍රධාන චරිත රඟපාන වෛශ්නාව් තේඡ් සහ ක්‍රිතී ෂෙට්ටි විශේෂයි. ඔවුන්ට අමතරව විඡේ සේතුපති, දේව් ශ්‍රී ප්‍රසාද් කියන පවීන නළුවන්ගෙන් සිනමාපටයට ලැබුණු ආලෝකයත් අමතක කරන්න බැහැ. 2021 පෙබරවාරි 12 වෙනිදා තිරගත කිරීම් ආරම්භ කළ Uppena මිනිත්තු 147ක ධාවන කාලයකින් යුක්තයි. ඉන්දියානු රුපියල් කෝටි 22ක් වැය කරමින් නිර්මාණය කළ Uppena මේ වෙනකොට ඉන්දියානු රුපියල් කෝටි 80-100ත් අතර මුදලක් උපයලා තියෙනවා. 

ආසි සහ බේබම්මාගේ ආදර කතාව අනිවාර්යෙන්ම ඔබේ මතකයන් අතර සදාතනිකව රැදී තිබේවි. වෛශ්නාව් ගේ සහ ක්‍රිතී ගේ පළමු චිත්‍රපට රංගනය වුනත් කිසිදු ආගන්තුක බවකින් තොරව ඔවුන් සිය රංගනය ඉදිරිපත් කරනවා. ආරම්භයේ සිට අවසානය තෙක්ම ප්‍රේක්‍ෂක කුතුහලය රදවාගන්න සමත්වන Uppena අවසානයේ ප්‍රේක්‍ෂකයින් නොසිතූ මානයකට අරගෙන යන්නේ නිර්මාණශීලී අධ්‍යක්‍ෂකවරයකුගේ ආගමනය සනිටුහන් කරමින්. ධීවර ගම්මානයක ජීවිතය අලලා නිර්මාණය කළ මෙහි ධනපති නිර්ධන සමාජ ස්ථරයන් තුළ දෝලනය වන ආදරය පිළිබඳ අපූරු පණිවුඩයක් සමාජයට ලබා දෙනවා. 2019 වසරේදී රූගත කිරීම් ආරම්භ කළ Uppena කකිනාඩා, පූරි, හයිද්‍රබාද්, කොල්කටා සහ ගංග්ටෝක් යන ප්‍රදේශවල රූගතකර තිබෙනවා. 

කුලවාදය කියන කාරණය ඉන්දියානු සමාජය තුළ ඉතාමත් තදින්ම මුල්බැසගෙන තියෙන දෙයක්. ඒ වගේම තමයි පුරුෂාධිපත්‍යය. නමුත් Uppena තුළින් මේ සියළු කාරණා අභියෝගයට ලක් කරනවා. අධ්‍යක්‍ෂකවරයාට මුල් අවස්ථාවලදී මේ පිළිබඳ චෝදනා එල්ල වුනත් ඔහු කිසිම අවස්ථාවක ඒවාට උත්තර දෙන්න ගියේ නැහැ. නමුත් අද වනවිට ඉන්දියාව ඇතුලේ විතරක් නෙවෙයි, ලෝකය පුරාම Uppena බ්ලොක්බස්ටර්හි ඉහළම තැනකට ගිහින් තියෙනවා. 

Uppena ගැන කතා කරනකොට මෙහි සංගීතය අමතක කරන්නම බැහැ. ජනප්‍රිය ගීත කිහිපයක්ම ඇතුලත් වන මෙහි සංගීතඅධ්‍යක්‍ෂණය දේව් ශ්‍රී ප්‍රසාද් විසින්. සිනමාපටය පුරාම එහි රිද්මය රදවාගන්න පසුබිම් සංගීතයෙන් ලබා දී තිබෙන ශක්තිය අති විශාලයි. චිත්‍රපටයේ එන නී කන්නු නීලි සමුද්‍රම් ගීතය සහ ජල ජල ජලාපාතම් යන ගීතය ප්‍රේක්‍ෂකයන් අතර ඉතා ඉක්මනින් ජනප්‍රිය වූවා වගේම යූ ටියුබ් හරහා විශාල ප්‍රතිචාරයක් හිමිවුනා. මෙහි වෛශ්නාව් සමඟ මුලින් රඟපාන්න යෝජනා කළේ මනීෂා නමැති නිළියක්. නමුත් අධ්‍යක්‍ෂකවරයාට මේ සඳහා නවක නිළියක්ම යොදාගන්න අවෂ්‍ය වුනා. ඒ අනුව තමයි ඔවුන් තිර පරීක්‍ෂණයකින් ක්‍රිතී ෂෙට්ටිව තෝරා ගත්තේ. 

තමන් රඟපෑ පළමු චිත්‍රපටයෙන් විශාල ආදායමක් උපයාගත් චිත්‍රපටය බවට Uppena පත් කරන්න වෛශ්නාව් සහ ක්‍රිතී වාසනාවන්ත වුනා. පුරුෂයකුගේ පුරුෂ භාවය තීරණය කළ හැක්කේ ඔහුගේ අවයව වලින් නොව මනුෂ්‍යයකු ලෙස ඔහු තුළ පවතින මානව ගුණාංග තුළින් බව Uppena අවසානයේ ඔබට වැටහෙනු ඇති. 2021 වසරේ ඔබ අනිවාර්යෙන්ම නැරඹිය යුතුම චිත්‍රපටයක් ලෙස අපි යෝජනා කරන්නේ ඒ නිසයි. 

සටහන :- අමිල නුවන් මධුසංඛ 

තෙළිඟු සිනමාව කළඹන පෞරුෂයේ ගිනි සිළුව (විජය දේවරකොන්ඩා)

තෙළිඟු සිනමාව කළඹන පෞරුෂයේ ගිනි සිළුව        (විජය දේවරකොන්ඩා) 

https://www.youtube.com

කලෛකට පස්සෙ ඔන්න අපි ආයෙමත් පුරුදු ට්‍රැක් එකට ඇවිත්. ඒ නිසා ආයෙමත් ඔයාල ආදරය කරන තරු ගඅන කතා කරන්න අපට අවස්ථාවක් ලැබිලා. බොලිවුඞ්වලට වගේම කොලිවුඞ්වලටත් එකවගේ ආදරය කරන ඔයාලගෙ ලොකුම ආසාවක් තමයි කොලිවුඞ්වලට පායලා ආපු අලුත් තරුගැන දැනගන්න එක. ඒ කාරණාව දන්න නිසාම අපි හිතුවා අද කොළිවුඞ්වලට සමීප තෙළිඟු සිනමාවේ මෑතකදී දකින්න ලැබුණු හරි අපූරු තරුවක් ගැන කතා කරන්න. ඒ වෙන කවුරුත් නෙවෙයි විජය දේවරකොන්ඩා. කඩවසම් බව වගේම අක්‍ෂතාවත් එකවගේ පිහිටලා තිබෙන මොහු නූතන තරුණ පරපුරේ උන්මාදයක් කීවොත් හරි. ඒ තරමටම තරුණියන් මොහුට පිස්සු වැටිලයි ඉන්නේ. කතා කරන ඇස් වලටම ගැලපෙන අකීකරු කෙස් ඔහුට ගේන්නෙ වෙනතස්ම කඩවසම්බවක්. 

ඉන්දියානු සිනමාවේ තවත් එක් අතු සිමාවක් වන තෙළිඟු සිනමාවේ නළුවෙක්, නිෂ්පාදකවරයෙක් සහ රූපවාහිනී වැඩසටහන් ඉදිරිපත් කරන්නෙක් විදිහට ප්‍රේක්‍ෂකයින් අතර ඉමහත් රසික ආදරයක් දිනාගෙන තියෙන විජය දේවරකොන්ඩා සිනමාවට පිවිසෙන්නේ 2011 වසරේදීයි. ඒ ජනප්‍රිය චිත්‍රපට අධ්‍යක්‍ෂක රවී බාබු විසින් අධ්‍යක්‍ෂණය කළ රොමෑන්ටික් කොමඩියක් වූ Nuvvila (2011) චිත්‍රපටය ඔස්සේයි. නමුත් විජය ප්‍රේක්‍ෂකයින් අතර ගොඩක් ජනප්‍රිය වුනේ 2015 වසරේදී තිරගත වූ Yevade Subramanyam (2015) ඔස්සේ කළ රංගනය නිසයි. ඒ වගේම 2016 දී තිරගත වූ Pelli Choopulu ඔස්සේ ඔහු තව තවත් රසික ආදරය දිනාගත්තා. ඒ තුළ ඔහු කෙතරම් සිය දක්‍ෂතාව පෙන්නුවද කියනවා නම් ෆිල්ම් ෆෙයාර් සහ ජාතික සම්මානයෙන් පවා පිදුම් ලැබුවා. 

 

ඉන් පස්සෙ තමයි විජය දේවරකොන්ඩා නියම විදිහට සිනමාවට අවතීර්ණ වෙන්නේ. තමන්ට ලැබෙන සෑම චරිතයක්ම බාරගන්නෙ නැතිව ප්‍රේක්‍ෂකයින් අතර කතාබහට ලක්වන අපූරු වාණිජ සිනමාපට කෙරෙහි ඔහුගේ අවධානය යොමු වෙනවා. ඒ සිනමාපට අතර Arjun Reddy (2017), Mahanati (2018), Geetha Govindam (2018), and Taxiwaala (2018) ඉදිරියෙන්ම තියෙනවා. මේ අතර ඔහු Arjun Reddy (2017) හි කළ රංගනය වෙනුවෙන් 2019 වසරේ ෆිල්ම් ෆෙයාර් හොදම නළුවා සම්මානය සහ විචාරක සම්මානය දිනාගනු ලබනවා. ඒ වගේම Geetha Govindam (2018) රංගනය වෙනුවෙන් ෆිල්ම් ෆෙයාර් හොදම නළුවා සම්මානය සදහාත් නිර්දේශ වෙනවා. 

මේ වෙනකොට විජය දේවරකොන්ඩාට තමන්ගේම සිනමා සමාගමක හිමිකරුවෙක්. ඒ වගේම 2019 වසරේදී අන්තර්ජාලය හරයා විජය දේවරකොන්ඩා තමයි වැඩිපුරම සර්ච් කරල තියෙන්නේ. ඒකෙන්ම හිතාගන්න පුළුවන් ඔහු මොනතරම් උන්මාදයක් ද කියලා. විශේෂයෙන්ම ගීත ගෝවින්දන් ෆිල්ම් එකෙන් පස්සෙ තමයි මේ තත්ත්වය ඇති වුනේ. එහි රංගනයෙන් දායක වූ රශ්මිකා මන්දනා සහ විජය දේවරකොන්ඩා ඒ කාලෙ ටේ‍රන්ඞ් එකක් බවට පත් වුනා. විජය වගේ අදින්න, ඔහු වගේ හැසිරෙන්න වගේම ඔහු වගේ කතා කරන්නත් තරුණයින් පෙළඹුනා. එයාගෙ තාත්තා ගෝවින්දන් රාඕ. ඔහු ජනප්‍රිය රූපවාහිනී නළුවෙක්. ඒ වගේම ඔහුගේ මව මාධවී දේවරකොන්ඩා. විජයගේ අයියත් සිනමා නළුවෙක්. පුංචි කාලෙ විජයට තනියම දෙයක් කරන්න ගෙදරින් අවසර දුන්නෙ නැහැ. ඒ නිසාම එයා අවස්ථාවක් ලැබෙන හැම වෙලාවෙම තනියම දෙයක් කරන්න තමයි උත්සාහ කළේ. 

විජයගේ කටහඩට තරුණයින් වශීවෙන්නෙ නිරායාසයෙන්. වේදිකාවක් උඩ කතාකරනකොට බය නැතිව කතා කිරීමේ හැකියාවක් ඔහුට තියෙනවා. ඒක ස්වභාවිකයි වගේම ආකර්ශනීය යි. අසාදාරණයට චුට්ටක්වත් කැමති නැති විජය නිතරම තමන්ගෙ ප්‍රේක්‍ෂකයින්ට කියන්නෙ හරි දේ කරන්න කියලයි. එක් අවස්ථාවකදී වාරණ මණ්ඩලය ඔහු රඟපෑ අර්ජුන් රෙඞ්ඩි සිනමාපටයේ දර්ශන කිහිපයක් වාරණය කරනවා වාගේම ඔහුගේ හඩ කපා දමනවා. ඒ නිසා ප්‍රෙස් එකේදි අර්ජුන් කීවෙ බය නැතිව සිනමාහල්වල තමන්ගේ හඩ කපා දමා ඇති තැන්වලට ප්‍රේක්‍ෂකයින්ගේ හඩ එකතුකරන ලෙස යි. ඇත්තටම ප්‍රේක්‍ෂකයින් එහෙම කරලත් තිබුණා. 

2020 පෙබරවාරි මාසයේදී  Rowdy Wear නමින් විලාසිතා සන්නාමයක් පවා ඉදිරිපත් කරපු විජය දේවරකොන්ඩා ඉන්දියාවේ ෆුඞ් ඩිලිවරි ඇප් කිහිපයකම ප්‍රවර්ධන නිළධාරියෙක්. ඔහු ඒ තරමටම අළෙවි කරන්න පුළුවන් මාර්කට් එකක් ඉන්දියාව ඇතුගෙ හැදිලයි තියෙන්නේ. කිසිම කෙනෙක් නොදන්නවා වුනාට විජය දේවරකොන්ඩා කියන්නේ සමාජ යහපත වෙනුවෙන් වැඩ කරන්න ම ඉපදුණු කෙනෙක්. බොහෝ දෙනෙක් නොදන්නවා වුනාට ඔහු විජය දේවරකොන්ඩා නමින් පදනමක් පිහිටුවාගෙන ඒ ඔස්සේ ඉන්දියාවේ තෙලංගනා සහ අන්ද්‍රා ප්‍රදේශ්වල ඉන්න තරුණ තරුණියන් වෙනුවෙන් විශාල වැඩකොටසක් කරනවා. ඔහුගේ අරමුණ තමයි විරැකියාව නැති කරමින් තරුණයින්ට වෘත්තීය අධ්‍යාපනයක් ලබා දෙන එක. ඔහුගේ ඉලක්කය ලක්‍ෂයක් වුනත් දවසින් දවස ඔහු පුහුණු කිරීමේ ප්‍රමාණයන් වැඩි කරනවා. මේ දේවල්වලට ප්‍රසිද්ධියක් ලබා දෙන්න ඔහු කැමති නැහැ. 

ඉන්දියාවේ ෆෝබීස් සඟරාව 2019 වසරේදී ඉන්දියාවේ කීර්තිමත්ම පුද්ගලයින් 100 දෙනා අතර 72වන ස්ථානය විජය දේවරකොන්ඩාට ලබා දී තිබෙනවා. ඒ වගේම ෆිල්ම් ෆොයාර් සඟරාවේ දශකයේ දක්‍ෂතම රංගන පෞරුෂයන් 100 අතරට තේරී පත් වෙන්නත් විජයට හැකි වුණා. බොහෝ දෙනා බලාගෙන හිටියේ විජයව හින්දි ෆිල්ම් එකකින් දකින්න. ඔන්න ඒ අවස්ථාව නුදුරේදීම උදාවෙන්න නියමිතයි. ඒ තමයි කරන් ජෝහර් විසින් 2020 වසරේදී නිර්මාණය කිරීමට නියමිත ෆයිටර්ස් චිත්‍රපටය. භාෂා කිහිපයකින්ම නිපදවන්න නියමිත මේ චිත්‍රපටයේ විජය රඟපෑමට නියමිතයි. ඇත්තටම මේක විජයගේ සිනමා ජීවිතේ තවත් එක් හැරවුම් ලක්‍ෂයක් වෙයි කියල තමයි විචාරකයින් කියන්නේ. කොහොම වුනත් විජය කියන්නේ අනාගතය බොහෝම පැහැදිළි නළුවෙක්. ඒක අපිට අදට වඩා හෙට ට අත්දකින්න ලබේවි. 

සටහන :- අමිල නුවන් මධුසංඛ

COVID-19 සහ බොලිවුඞ් සුපිරි තරු

COVID-19 සහ බොලිවුඞ් සුපිරි තරු 

kln.ac.lk

හැමදාමත් අපි සතුටින් කතා කරන බොලිවුඞ්වලටත් COVID-19 නිසා ගොඩක් ප‍්‍රශ්නවලට මුහුණ දෙන්න වෙලා. ඉන්දියානු අගමැති නරේන්ද්‍ර මෝදි මහතා තමන්ගෙ රට දවස් 21කට ලොග්ඩවුන් කරල තියෙන වෙලාවක අපේ ආදරනීය තරු මොනවද කරන්නෙ කියල හොයල බලන්න හිතුවා. මොකද හැම කෙනෙක්ම මේ දවස්වල ගෙදරට වෙලා ඉන්න නිසා සමාජ මාධ්‍ය තුළ නිතරම දක්නට ලැබෙනවා. වගකීමක් ඇතිව වැඩ කරන තරු COVID-19  ගැනත් පේ‍්‍රක්‍ෂකයින්ව දැනුම්වත් කරන්න අමතක කරල තිබුනෙ නැහැ. රූගත කිරීම් කරන චිත‍්‍රපට බොහෝමයක් අතරමැද නැවතිලා. රූගත කරන හා ටෙලිකාස්ට් කරන ටෙලි නාට්‍ය පවා අතරමැද නැවතිලා. ඒ කියන්නෙ තාවකාලිකව අත්හිටුවන්න තමයි ඔවුන් තීරණය කරල තියෙන්නෙ. නුදුරේදීම තිරගත වෙන්න තිබුණු චිත‍්‍රපටත් දින නියමයක් නැතිව කල් ගිහිල්ල. ඉතින් අපි කතා කරමු ඒ හැම දෙයක් ගැනම. 

ඉන්දියාවේ මේ වෙනකොට ලංකාවට වඩා බහුතරයක් COVID-19 ආසාධිතයින් වාර්තා වෙලා තියෙනවා. මරණ සංඛ්‍යාවත් ඒ වගේමයි. ඉතින් එයාල COVID-19 මාරයාට මුහුණ දීම සදහා රජයට සහයෝගය දැක්වීමේ අරමුණින් එකම වෙලාවක නිවෙස්වලින් එළියට බැහැල ශබ්ද පූජාවක් පැවැත්වූවා. ආක්ෂය කුමාර් සහ රිකිත් රෝෂන් ජීවත් වෙන්නෙ එකම ෆැලට් එකක. තමන්ගෙ ෆැලැට් එකෙන් එළියට ආපු මේ දෙන්නත් ශබ්ද පූජාවට සහභාගි වෙමින් මහජනතාවටත් රජයටත් ආශීර්වාද කළා. පහුගිය දවස්වල ඔයාල මාධ්‍යවලින් දකින්න ඇති ඉන්දියාව ඇතුලෙ ඇදිරි නීතිය දාල තිබුණත් සාමාන්‍ය ජනතාව වීදි පුරා ඇවිදින ආකාරය. හැබැයි ඒ හැම කෙනෙක්ටම ආරක්‍ෂක අංශවලින් හොද කෑමකුකුත් හම්බවුනා. ඒ නිසාම ජනතාවගේ නොසැලකිලිමත්කම ගැන ආක්ෂය කුමාර් තමන්ගෙ ඉන්ස්ටර්ග‍්‍රෑම් පිටුවේ දෝශාරෝපනයක් ඉදිරිපත් කරල තිබුණා. ඔහු කීවෙ මෙන්න මේ වගේ කතාවක්. 

”මිනිස්සු හැසිරෙන්නේ කිසිදු වගකීමක් නැතිව. මේ වගේ ව්‍යසනයක් ඇතිවෙලා තියෙන මොහොතක ඔවුන් හැසිරෙන විදිහ හරිම ලැඡ්ජාසහගතයි. මම ඔවුන්ගෙන් බැගෑපත්ව ඉල්ලා සිටිනවා කරුණාකරලා නිවෙස්වල රැදී සිටිමින් රජයට සහයෝගය දක්වන ලෙසට.”

ආක්ෂය කතා කළේ කේන්තියෙන් වගේම කලකිරීමෙන්. ඒ වගේම ඔහු අගමැති නරේන්ද්‍ර මෝදිගේ අරමුදලට ඉන්දියානු රුපියල් කෝටි 25ක් ලබා දෙන්නත් අමතක කළේ නැහැ. 

”මේක තීරණාත්මක අවස්ථාවක්. රජයකට මේක තනිවම කරන්න බැහැ. අනික වගකිවයුතු පුරවැසියන් විදිහට අපි මේ වෙලාවේ ජනතාවට උපකාර කළ යුතුයි. මම රජයෙන් ඉල්ලනවා මේ මුදල ජනතාව වෙනුවෙන් භාවිත කරන ලෙසට.”

යනුවෙන් ට්විටර් පණිවුඩයකුත් නිකුත් කරලා තිබුණා. නරේන්ද්‍ර මෝදි අගමැති තුමාත් ඊට තමන්ගේ ප‍්‍රතිචාරය දැක්වූයේ ආක්ෂයට ස්තුති කරමින්. ආක්ෂය වගේම ආයුෂ්මාන් කුරානාත් COVID-19  ගැන තමන්ගේ අදහස් මාධ්‍යයට ඉදිරිපත් කරලා තිබුණා. 

”මේක අපි විහිළුවට අරගන්න  ඕනි කාරණයක් නෙවෙයි. අපි හැමෝම ආරක්‍ෂා වෙමින් අපේ ආදරනීයයන්වත් ආරක්‍ෂා කරගන්න  ඕනි. මම මගේ සියලූ රසිකයින්ගෙන් ඉල්ලනවා කරුණාකරලා මේ දවස් දුකේ ගෙදර ඉන්න. ඔබේ සහයෝගය රජයට ලබා දෙන්න කියලා.”

ලෝකය පුරා මේ වෛරසය ව්‍යාප්ත වෙනකොට රිතික් රෝෂන් 2020 සී සිනෙ අවෝර්ඞ් සදහා විශේෂ ඉදිරිපත් කිරීමකුත් කළා. නමුත් ඔහු එය සිදු කළේ කිසිම රිහසල් එකක් නැතිව. ඒ නිසා මාර්තු 28 වෙනිදා රූපවාහිනියෙන් එය නරඹා තමන්ගේ නර්තනය ගැන ඔවුන්ගේ අදහස් ලබා දෙන්න කියලත් ඉල්ලීමක් කරල තිබුණා. ඒ වගේම තරුණ හා වැඩිහිටි ප‍්‍රජාව නිවෙස් තුලට වී කාය වර්ධනය ගැන සැලකිලිමත් වෙන්න කියලත් ඔහු පවසා තිබුණා. ඔයාල හිතනවා ඇති බොලිවුඞ් තරු කිසිම දවසක තමන්ගේ ගෙවල්වල වැඩ කටයුතු කරන්නෙ නැතිව ඇති කියලා. නමුත් ඔන්න ඒ හැම දේම බොරු කරමින් සල්මන් ඛාන් සහ නැගී එන නිළි හීනා ඛාන් තමන්ගේ නිවස පිරිසිදු කරන ජායාරූප හා වීඩියෝපට මාධ්‍යයට නිකුත් කරලා තිබුණා. 

ඔවුන් කියල තිබුනේ නිතරම පිරිසිදුව ඉන්න කියලයි. ඔය අතරේ නව පරපුරේ ජනප‍්‍රිය තරු රසක්ම සෝෂල් මීඩියාවල අපූරු වැඩක් කරල තිබුණා. ඒ තමයි තමන්ගේ කුඩා අවධියේ ජායාරූපයක් පලකරමින් ඒ අභියෝගය භාරගන්නා ලෙස සහෝදර ශිල්පීන්ට අභියෝග කිරීම. ඒ අනුව වරුන් ධවාන්, ආලියා භාත්, ටයිගර් ෂොරොෆ්, නෝරා පටේහි, ජැකලීන් වගේ අය තමන්ගේ පුංචි කාලෙ ජායාරූප සමාජ මාධ්‍යයේ පල කර තිබුණා. මේ හැම දේකින්ම ඔවුන් පේක්‍ෂකයින්ට කීවෙ නිවෙස් වලට වෙලාම ඉන්න කියලයි. ඒ වගේම කරිෂ්මා කපූර් තමන්ගේ පැරණි චිත‍්‍රපට කිහිපයක ජායාරූප පලකරමින් පේ‍්‍රක්‍ෂකයින්ට පැවසූවේ නිවෙස් වලට වෙලා මේ දවස්වල තමන්ගේ චිත‍්‍රපටි බලන්න කියලයි. 

”ඇත්තටම මේ වෙලාවෙ අපි පරිස්සම් වෙන්න  ඕනි. අපි කරන එක වැරැද්දකින් ජීවිත දහස් ගණනක් නැතිවෙන්න පුළුවන්. ඉතින් මම ආරාධනා කරනවා මගේ රසිකයින්ට ඔයාල එදා ආදරය කරපු අපේ පැරණි චිත‍්‍රපටි ආයෙමත් නරඹන්න කියලා. එතකොට ඔයාලට ගෙදරට වෙලා ඉන්න කම්මැලි හිතෙන එකක් නැහැ.” 

මේ දවස්වල ඉන්දියානු රූපවාහිනියටත් ඒ තරම් හොද කාලයක්නම් නෙවෙයි උදාවෙලා තියෙන්නෙ. පේ‍්‍රක්‍ෂකයින් අතර ගොඩක් ජනප‍්‍රිය වුණු ටෙලි නාට්‍ය බොහෝමයක රූගත කිරීම් පවා නතර කරලා. මේ නිසා ටෙලිනාට්‍ය ක්‍ෂේත‍්‍රයේ අයත් ඉන්නෙ ලොකු අවුලක. බලාජී ටෙලි ෆිල්ම්ස් වැනි දැවැන්ත ආයතන මේ නිසා පාඩු ලබනවා ඇති කියල පහුගිය දවසක මාධ්‍යයේ පලවෙලා තිබුණා. නමුත් එක්තා කපූර් නම් කීවෙ තමන් ටෙලි නාට්‍ය විතරක් නෙවෙයි වෙබ් සීරීස් පවා කරන නිසා මේක ඒ තරම් ප‍්‍රශ්නයක් නෙවෙයි කියලයි. 

නව පරපුරේ දක්‍ෂ ජනප‍්‍රිය නළුවෙක් වන වරුන් ධවාන් අගමැති මෝදිගේ අරමුදලට රුපියල් ලක්‍ෂ 55ක් ප‍්‍රධානය කරල තියෙනවා. සමකාලීන මිතුරන් රැසක් ඔහුගේ මේ ක‍්‍රියාව අගය කරලා තියෙන ආකාරයත් අපිට දැකගන්න ලැබුණා. අමිතාබ් බච්චන් මේ වෙලාවෙ තමන්ගෙ සමාජ වගකීම හොදටම තේරුම් ගත්තු කෙනෙක්. වැරදි මත සමාජගතවීම වැලැක්වීම සදහා තමන් ෂෙයා කරල තියෙන පෝස්ට් ගොඩක් ඉවත් කරගෙනත් තිබුණා. ඒ වගේම අගමැති අරමුදලට තමන්ගේ මූල්‍යමය දායකත්වය ලබා දෙන්නත් ඔහු එකඟ වෙලා තිබෙනවා. 

පහුගිය කාලෙ ගොඩක් ආන්දෝලනාත්මක සිද්ධිවලට මුහුණ දීපු සල්මන් ඛාන් මේ වෙනුවෙන් වෙනස්ම වැඩක් කරන්න සූදානම් වෙනවා. ඒ තමයි අසරණ වෙලා ඉන්න සිනමා කර්මාන්තයට සම්බන්ධ සියලූ දෙනාගේ සුබසාධන කටයුතු වෙනුවෙන් අවශ්‍ය සහනාධාර ලබා දීම. එයා පරිත්‍යාග කරන්නෙ කීයක්ද කියලනම් කාටවත්ම කියල තිබුනෙ නැහැ. ඔන්න ඔයවගේ දේවල්  තමයි COVID-19 වලට බොලිවුඞ් තරු කරන්න පටන් අරන් තියෙන්නෙ.  

සටහන :- අමිල නුවන් මධුසංඛ

මටත් වඩා සරාගී ආකර්ශනයක් ඛාන්ල ගාව තියෙනවයි කියලයි මමනම් හිතන්නෙ.

මටත් වඩා සරාගී ආකර්ශනයක් ඛාන්ල ගාව තියෙනවයි කියලයි මමනම් හිතන්නෙ. 

LKN.AC.LK

කාලෙකට පස්සෙ ඔන්න අපි ආයෙමත් ටිකක් වෙනස් විදිහෙ වැඩකට අත තියන්න හිතුව. බොලිවුඞ් ගැන දැනගන්න ඔයාල කොහොමත් කැමතියිනෙ. සනී ලියෝන් කියන්නෙ මේ දවස්වල කවුරුත් කතාබහ කරන චරිතයක්. එයා කවුද කියන්න ඔයාල හොදටම දන්නව. ඒ වුනත් දැන් එයාව ගොඩක් අය අඳුනන්නේ නිල් චිත‍්‍රපට නිලියකටත් වඩා ජනප‍්‍රිය බොලිවුඞ් නිලියක් විදිහට. රාගිනී එම්. එම්. එස් සිනමාපටයෙන් ලොවක් වසඟ කළ සනී මේ දවස්වල වැඩිපුරම ගැවසෙන්නෙ ශාරුක් එක්කලූ. ඒකට හේතුව රීස් සිනමාපටයේ සනී අයිටම් ගීතයකට පෙනී සිටීම. ෙලෙයිලා කියන පරන සින්දුවට හදපු අලූත්ම රීමේක් එකේ සනීගෙ දක්‍ෂතාවයන් අපිට තවත් අපූරුවට දැකබලාගන්න හැකියාව ලැබෙනවා. අපි බලමු පාර දිගේ ඇවිදින ගමන් සනී මොනවද කියන්නෙ කියල ... 

• මේ දවස්වල බොලිවුඞ්වල ඉන්න සරාගී කඩවසම්ම ඛාන් කවුද සනී ... ? 

ඒකනම් උත්තර දෙන්න අමාරු ප‍්‍රශ්නයක්. මම දකින විදිහට එයාල හැමෝම කඩවසම්. ඒ අයගෙ ශරීරවල සරාගීබව උතුරනවා. හැමකෙනෙක්ම ඉන්නෙ මටත් වඩා ගොඩක් ඉහළ තැනක. සරාගී නිළියක් විදිහට මටත් එයාල ගාවදි පුංචි චකිතයක් ඇතිවෙනවා ... 

• ශාරුක් එක්ක වැඩ කලාට පස්සෙ එයාගෙන් ඉගෙනගත්තු එක දෙයක් කියන්න බලන්න ...

මම හිතන්නෙ මම ගොඩාක් ධනාත්මක දේවල් ඉගෙනගත්තා එයාගෙ ජීවිතෙන්. බොලිවුඞ්වල වැඩ කිරීමෙන් මම මෙතෙක් ලබපු හොදම අත්දැකීම කීවොත් නිවැරදියි. මානව ගුණාංගයන්ගෙන් පිරුණු මිනිසෙක් එක්ක වැඩ කරන්න ලැබීම සතුටක්. 

• දෙමාපියන්ගෙන් ආදරයක් නොලැබෙන ඔයාගෙ ජීවිතය ඇතුලෙ සැමියගෙන් ලැබෙන සහයෝගය මොනවගේද ?

ඒ සහයෝගය මම කොහොමද වඩන වලින් විස්තර කරන්නෙ. මගේ රැුකියාව ගැනවත් හිතන්නෙ නැතිව ඔහු දැවැන්ත සෙවනැල්ලක් වගේ මගේ පසුපසින් ඉන්නවා. ඒක මට ලොකු ශක්තියක්. ඉතින් මට දෙමාපියන්ගේ ප‍්‍රතික්‍ෂේප කිරීම දැනෙන්නෙවත් නැහැ. 

• මේ දවස්වල සෝෂල් මීඩියාවල ඉන්න ජනප‍්‍රියම චරිතය ඔයාද ?

ඇත්තටම මිලියන 02කට වැඩි රසික පිරිසක් පසුගිය දින කිහිපයේ පමනක් මගේ ට්විටර් අඩවියේ සාමාජිකයන් බවට පත්වෙලා තියෙනවා. ඇත්තටම මම එයාලට ගොඩාක් ආදරෙයි. ඒඅ ය නිතරම හොයන්නෙ මම කරන අලූත් වැඩ ගැන තමයි. 

• ලෙයිලා ගීතය වෙනුවෙන් ශාරුක්ගෙන් පළමු දුරකථන ඇමතුම එනකොට ඔබට මොනවගේ හැගීමක්ද ඇතිවුනේ ... ?

මම ඒ වෙලාවෙ ගොඩක් කන්ෆියුස් වුනා. ශාරුක් වගේ කෙනෙක් ඇයි සනී ලියෝනිට කතා කරන්නෙ කියන හැගීමයි මට ඇතිවුනේ. අයිටම් නම්බර් එකක් කරන්න එන්න කීවම ඇත්තටම මම ශොක් වෙලා ගියා. මම මේ දකින්නෙ හීනයක්ද කියන තරමට ම. 

• සතුටුදායක විවාහ ජීවිතයක් ගතකිරීමේ රහස මොකක්ද සනී ... ?

ඒක හරිම සරළ කාරනයක්. සතුටු දායක බිරිදක් ඉන්නවනම් එයාට පුලූවන් සැමියාගේ මුළු ජීවිතයම සතුටුදායක කරන්න. ආදරය සහ ගරු කිරීම තමයි මෙහිදී වඩාත් වැදගත් වෙන්නේ. කිසිම වෙලාවක තමන්ගේ සහකරු හෝ සහකාරියට අපහාස කරන්න හොද නැහැ. 

• ඔයා මොන ඇඳුම ඇන්දත් සෙක්සි විදිහටම පේන්නෙ ඇයි ... ? 

එහෙනම් ඔයාට වැරදිලා. මම උදේ පාන්දර නැගිට්ට ගමන් දැක්කොත් ඔයා කවදාවත් කියන එකක් නැහැ සනී තමයි මේ ලෝකෙ ඉන්න සරාගීම ගැහැනිය කියල. 

• ඩැනියෙල් එක්ක පාන් පෙත්තක් කාල දවස පටන්ගන්න තරම් ඔයා සරලයිද ?

ඇයි නැත්තෙ. මම ඒ වගේ සරළ කෙනෙක් තමයි. අපේ ජීවිතවල ගොඩක් ලොකු බලාපොරොත්තු නැහැ. හීන නැහැ. ඉතින් ඇයි අපි සරළ බවින් අත්මිදෙන්නෙ.

• ගැහැනියක් මුලින්ම පිරිමියෙක්ගෙන් බලාපොරොත්තු වෙන්නෙ මොනවාද ?

මම දන්නෙ නැහැ අනිත් අය ගැන කියන්නනම්. ඒ වුනත් මම ඩැනියෙල්ගෙන් මුලින්ම බලාපොරොත්තු වුනේ එයාගෙ අම්මටයි සහෝදරියටයි හොදට සලකනවද කියන දේ. එයා එහෙම කරනවා කියන්නෙ එයා කාන්තාවකට ගරුකරනව කියන එක. අනෙත් කාරනය තමයි නිදහස. 

• කන්තාවක් විදිහට අනෙක් කාන්තාවන්ට සාර්තකව ජීවත්වීම සම්බන්ධයෙන් පණිවිඩයක් දෙන්න කැමතිත ?
  

මම කොහොමද එයාලට අවවාද කරන්නෙ. ඒක හරිම අසාර්ථක උත්සාහයක් වේවි. හැබැයි මම කියන්නෙ හැගීම් කියන දෙවල් හිතේ හිරකරගෙන ඉන්නෙ නැතිව ඔබ ඔබම වෙන්න කියන එක විතරයි. 

• රාලිනී එම්.එම්.එස් 03 සඳහා රඟපාන්න ආරාධනා කළොත් ඒකෙ හොල්මන විදිහට තෝරගන්නෙ මොන ඛාන් ද ?

ඛාන් කෙනෙක්ට හොල්මනක් වෙන්න බැහැ. මොකද එයාල නිරන්තරයෙන් මගේ හිතේ හොල්මන් කරන නිසා.

• කවුරුහරි කීවොත් ඔබට තියෙන්නේ පිරිමින් වසඟ කරන සරාගී කටහඩක් කියලා ...

මගේ සිරුර සරාගී වෙන්න පුලූවන්. නමුත් මගේ කටහඩ එහෙමයි කියල මම හිතන්නෙ නැහැ. සමහරු කියනව මම මවාගෙන කතාකරනව කියල. ඒක වැරදියි ඉන්නෙ නියම සනී තමයි. 

• සනීගෙ සිහින ලෝකෙ මොනවද තියෙන්නෙ ?

මගේ සිහින ලෝකෙ තියෙන්නෙ ටෙඩි බෙයාලා සහ පීට්සා විතරමයි. මම ගොඩක් කැමතියි පීට්සා කන්න. ඇඟ ගැන රූපෙ ගැන මම ඒ තරම් වද වෙන්නෙ නැහැ. හම්බුනොත් පීට්සා කන්දක් විතර කයි. 

• ඔබ මේ ලෝකේ වැඩිපුරම විස්වාස කරන්නේ කවුරුන්ද ? 

මගේ තාත්තව. එයා මාව ප‍්‍රතික්‍ෂේප කළා වුනත් මම අදටත් විස්වාස කරන්නෙ එයා තමයි. දැන් එයාගෙ වයස 72ක්. මගේ ජීවිතේ මගේ හැමදේම එයා තමයි. ඒත් අද එයා මට විරුද්දයි. 

• ඔයාට අවස්ථාවක් ලැබුනොත් පරන චිත‍්‍රපටයක නව නිර්මාණයේ රඟපාන්න ... 

කල්නායක් චිත‍්‍රපටයට මම ගොඩක් කැමතියි. එහි මධුරි ඩිස්කිත්ගේ චරිතය මට ගොඩක් හොදට අල්ලලා යනවා. ජෝලී කේ පී කේ ජායේ සින්දුවට තනියම වුනත් නටන්න මම සූදානම්. 

• ඇයි ඔයා ඉන්දියාවට එන්න හිතන්නෙ ?

මෙතැන තමයි මගේ නවාතැන්පල. මම ගැන ගොඩක් අන්තර්ජාලයෙන් හොයල තියෙන්නෙ ඉන්දියාවේ අය. ඉතින් ඇයි මම එයාල සතුටු කරන්න නොඑන්නෙ. 

• ඔබේ අතීතය ගැන පොතක් ලියන්න කැමති නැතිද ?

පොතක් නෙවෙයි පොත් දාහක් වුනත් ලියන්න පුලූවන්. ඒ තරමටම නීරස, දුක්ඛදායක, සතුටුදායක අත්දැකීම් මට හිමිවෙලා තියෙනවා. ඇත්තටම සනී කියන්නෙ ලෙජන්ඞ් එකක්. 

• ඔබ දැන් වැඩිහිටියන්ට පමනක් ලේබල්වූ නිලියක් වෙලා නේද ?

ඇයි මම දුක් වෙන්නෙ මම සතුටු වෙන්න ඔනි ඒ වගේ තැනක් මට ලැබුණු එක සම්බන්ධයෙන්. කාටවත් නොලැබුණු චාන්ස් එකක්නෙ මට ලැබිල තියෙන්නෙ ...

සංවාද සටහන :- අමිල නුවන් මධුසංඛ