සමහරු මාව දවසකට සල්ලි වලට ගන්න උත්සාහ කරනව

kln.ac.lk

සමහරු මාව දවසකට සල්ලි වලට ගන්න උත්සාහ කරනව

ජෝන් ඒබ‍්‍රහීම්

සරාගී ආකර්ශනීය සිරුරකට උරුමකම් කියන නළුවන් අතරේ ජෝන් ඒබ‍්‍රහීම් කියන්නෙ වෙනස්ම ආකර්ශනයක් තියෙන නළුවෙක්. දඟකාර කෙහෙරැළි, සරාගී දෙනෙත්, කඩවසම් සිරුර කෙල්ලො විතරක් නෙවෙයි කොල්ලොත් පිස්සු වට්ටනව. කාලයක් ජෝන් ජනප‍්‍රිය වෙලා හිටියෙ බිපාෂාගෙ ආදරනීය පේ‍්‍රමවන්තය විදිහට. ඒත් දැන් ඒ අය වෙන් වෙලා. කොහොම වුනත් ජෝන්ට තියෙන ආකර්ශනයනම් අඩුවෙලා නැහැ. පා, ඩූම්, කාල්, වෝටර්, බාබුල්, නිව්යෝර්ක්, රේස් 2 වගේ චිත‍්‍රපටි වල අමතක නොවන රංගනයක නියැළුණු ජෝන් සැබෑම දක්ෂයෙක්. පහුගිය දවසක රූපවාහිනී වැඩසටහනකදි නිවේදිකාවක් ජෝන්ගෙන් අපූරු ප‍්‍රශ්න ටිකක් අහල තිබුණ. අපි බලමු එයා කොහොමද ඒ ප‍්‍රශ්න වලට උත්තර දුන්නෙ කියල...

ඇයි දැන් ජෝන් වැඩිය පේන්න නැත්තෙ...?

ඒකට හේතුවක් තියෙනව. මොකද මම දැන් රඟපාන්නෙ තෝරාගත්තු හොද නිර්මාණ වල විතරයි. ඒ දවස්වල මම ලැබෙන හැම නිර්මාණයක්ම වගේ බාරගත්ත. ඒත් පස්සෙ කාලෙක මට තේරුනා ඒක මහ මෝඩ වැඩක් කියල. ඒකයි මම දැන් වැඩිය පේන්න නැත්තෙ. 

එහෙම නැත්නම් බිපාෂ ඔබෙන් වෙන් වුනේ ඔබේ ජනප‍්‍රියත්වයත් අරගෙනමද...?

කොහෙත්ම නැහැ. මගේ ජනප‍්‍රියත්වයට හේතු වුනේ බිපාෂා නෙවෙයි. මගේ දක්‍ෂතාවයයි. අපි ආදරය කරන කාලෙ අපිට එකට රඟපාන්න ගොඩක් අවස්තාවන් ලැබුණ. ඒ චිත‍්‍රපටිත් ජනප‍්‍රිය වුනා. ඒකයි මිනිස්සු එහෙම හිතන්නෙ. ඒත් බිපාෂගෙන් වෙන්වුණාට පස්සෙත් මම රඟපාපු ගොඩක් චිත‍්‍රපටි සාර්තක වුනා. අදටත් මම ජනප‍්‍රිය යි. 

සමහරු කියනව ඔබ දක්‍ෂ නළුවෙක් නෙමෙයි කියල...

ඒක ඉතින් එක එක්කෙනාට හිතෙන හැටිනෙ. මම කොහාමද ඒ දේවල් වලක්වන්නෙ. මම දක්‍ෂ නැතිනම් මට චිත‍්‍රපටි ලැබෙන්නෙ නැහැනෙ. මම අදක්‍ෂයෙක් වුනානම් ජෝන් කියල කෙනෙක් පේ‍්‍රක්‍ෂකයන්ට අමතකවෙලා තියේවි.

සිරුර ප‍්‍රදර්ශනය කරන්නෙ ජනප‍්‍රිය වෙන්න හිතාගෙනද...?

නැහැ. එහෙම පහත් මානසිකත්වයක් මට නැහැ. ලස්සන කඩවසම් කොල්ලෙක්ට සුපිරි ඇඟක් තියෙනව තරම් සතුටක් තවත් කොයින්ද...? ඉතින් මටත් ඒ ආඩම්බරේ තියෙනව. මගේ ඇඟ දැකල කෙල්ලො විතරක් නෙවෙයි කොල්ලොත් පිස්සු වැටෙනවනම් ඇයි මම ඇඟ පෙන්වන්න දෙපාරක් හිතන්නෙ. ඒක මගෙ වාසනාව.

ජෝන් අයිකන් එකක් කියලද ඔබ හිතන්නෙ...?

ඔව්... තාරුණ්‍ය ඇතුලෙ ජෝන් කියන්නෙ අයිකන් එකක් තමයි. හැමෝටම මම අයිකන් එකක් නොවෙන්න පුළුවන්. ඒත් අද ජෝන් කියන අයිකන් එකට ආදරේ කරන්න ගොඩක් අය ඉන්නව කියලනම් මම දන්නව.

තවමත් ඔබට හොදම නළුවා වෙන්න බැරි වුනා...

සමහරවිට තවම මම ඒ තැනට යන්න සුදුසු නැතිව ඇති. අනික සම්මාන බලාගෙන නෙවෙයි මම මෙච්චර කාලයක් රඟපෑවෙ. මම කරන වැඩ වලින් මම නිතරම හොද ආත්ම තෘප්තියක් ලබනව. ඉතින් පේ‍්‍රක්‍ෂකයන්ගෙන් ලබන සම්මානෙට වඩා තවත් සම්මානයක් කොයින්ද...?

ධනවත් කාන්තාවන්ගෙන් ඔබට නිතරම විවාහ යෝජනා එනව කයන්නෙ ඇත්තද...?

ඔව්. මගේ ට්විටර් අඩවියට දවසකට දහස් ගණනක් පණුවුඩ ලැබෙනවා මගේ රසිකයින්ගෙන්. ඒ අය අතරින් කාන්තාවන් වැඩියි. විවාහ යෝජනාත්  ඕනි තරම් තියෙනව. ඒත් ඉතින් ඒ දේවල් වලට කැමති වෙන්න පුළුවන්කමක් නැහැනෙ. සමහරු මාව දවසකට සල්ලි වලට ගන්නත් උත්සාහ කරනව.

ප‍්‍රියන්කගෙන් හරි අමීෂාගෙන් හරි විවාහ යෝජනාවක් ආවොත් කාටද කැමති වෙන්නෙ...?

මම පෞද්ගලිකව ඒ දෙන්නටම කැමතියි. ඒත් මම ඒ කිසිම කෙනෙක් එක්ක විවාහ වෙන එකක් නැහැ. මොකද මම හොයන ගතිගුණ එයාල ගාව තියනවද කියනඑක මට සැකයි. මම බඳින්නෙ මට සියයට සියයක්ම ගැලපෙන කෙනෙක්ව.

 ඕනිම නිළියක් එක්ක සරාගී රංගනයක නියැලෙන්න කැමතිද...?

හැගීම් දැනීම් තියෙන  ඕනිම නිළියක් එක්ක රඟපාන්න මට පුළුවන්. ඒත් දැන් මගේ ලිමිට් එකක් තියෙනවා. යම් කිසි සීමාවක ඉදගෙන රඟපාන්න මම වගබලාගන්නව. සමහර නිළියන් එක්ක රඟපාන්න මම පෞද්ගලිකවම කැමති නැහැ. ඒ නිසා ඒ ගැන මම දෙපාරක් හිතනව.

ඔබ සල්මන් ඛාන් වගේ වෙන්න උත්සාහ කරනවද...?

අපෝ නැහැ. මට කවුරුත් වගේ වෙන්න  ඕනි නැහැ. මම ජෝන්ම තමයි. සල්මන් කියන්නෙ වෙනමම කෙනෙක්. පේ‍්‍රක්‍ෂකයන්ට මගෙන් තවත් සල්මන් කෙනෙක් දකින්න කැමැත්තක් නැතිව ඇති. සමහරවිට අපේ ශරීරයන් එකවගේ වෙන්න පුළුවන්. ඒත් මම සල්මන්ට වඩා ආකර්ශනීයයි. ඒක  ඕනිම කෙනෙක් දන්නව. 

සටහන :- අමිල නුවනු මධුසංඛ

සමහරවිට මම නැවත සුපර් ස්ටාර් වැඩසටහනත් එක්ක සම්බන්ධ වෙන එකක් නැහැ.

kln.ac.lk

සමහරවිට මම නැවත සුපර් ස්ටාර් වැඩසටහනත් එක්ක සම්බන්ධ වෙන එකක් නැහැ.

නිමන්ත හේෂාන් ගමගේ

කොහොමද හේෂාන් මේ දවස්වල ජිවිතේ...?

ම්..ම්..ම්... මේ දවස්වල කලින්ට වඩා ටිකක් වෙනස් විදිහට ඉන්නව. කාර්යබහ්ලත්වයෙන් ටිකක් විතර මිදිල ඉන්නෙ කිව්වොත් හරි.

ඔබේ ආවාස් ඇකඩමිය ගැනත් කතාකරමුකො බලන්න...

මේ ඇකඩමි එක පටන් අරන් දැන් වසර හතරක් විතර වෙනව. මුලින්ම මම මේක පටන් ගත්තෙ අපේ ගෙදරින්. සංගීතය ඉගෙනගන්න ළමයින්ට මගපෙන්වීමක් වශයෙන්. මම ඉන්දියාවෙ ඉන්න කාලෙත් අමතර රැකියාවක් විදිහට ඇකඩමි එකක වැඩ කළා. ඒ ආභාෂයෙන් තමයි මම ලංකාවෙත් එහෙම වැඩක් පටන්ගත්තෙ. මුලින්ම පුංචියට ආරම්භ කළත් මම හිතුව මේක ටිකක් දියුණු විදිහට කරන්න  ඕනි කියල. ඒක නිසා මම තලවතුගොඩ අලූතින් ඇකඩමි එකක් ආරම්භ කළා. කටහඩ පුහුණුව අද ලංකාවෙ සංගීතයට සම්බන්ධ තරුණ ප‍්‍රජාව අතර ජනප‍්‍රිය අංගයක් වෙලා තියෙනව. එ් අයට මේක ලොකු අවස්ථාවක්.

මේ වගේ ඇකඩමි එකක් ආරම්භ කිරීමේ අරමුණ මොකක්ද...?

අද සමහර අය උන්මාදෙකින් වගේ සංගීත විශාරද වෙන්න යනව. නමුත් ඒක සහතිකයක් විතරයි. එයාලට කිසිම ප‍්‍රායෝගික දැනුමක් නැහැ. නමුත් මේ ඇකඩමි එක ඔස්සේ ඔවුන් ගායනා කරන ගීතයක තියෙන්න  ඕනි ආලප්, නාද, භාව, පිළිබඳව ඔවුන්ට හොද වැටහීමක් ලබාගන්න පුලූවන්. මේක හැබැයි තරඟ පස්සෙ යන අයට නෙවෙයි කරන්නෙ. ඇත්තටම සංගීතයට ආදරේ කරන අයටයි මේ ඇකඩමි එක නිර්මාණය කළේ. හොදින් හඩ පුහුණු කළාට පස්සෙ අපිට එයාලව විශාරද විභාගයකට යොමු කරන්න පුලූවන්. මේ වගේ හොද අරමුණකින් තමයි මම ඇකඩමි එක ආරම්භ කළේ.

ඔබේ සංගීත ජිවිතේ වැඩකටයුතු එහෙම කොහොම ද ැන්...?

ලංකාවට ආවට පස්සෙ මගේ හැකියාවන් දැකල ජේ්‍යෂ්ඨ මහාචාර්ය ජයසේන කෝට්ටේගොඩ මහතා කළ ආරාධනාවකින් සංගීතය පිළිබඳව විශ්වවිද්‍යාල කතිකාචාර්යවරයෙන් වීමට අවස්ථාව ලැබුණ. මගේ අරමුණ වුනේ ගායන ක්‍ෂේත‍්‍රයෙන් ඉදිරියට යන්න. නමුත් මේ වැඩත් එක්ක ඒ ගමන ටිකක් පසුගාමී වුනා. නමුත් මගේ ඒ හීනය තවමත් තියෙනව. මම ඒ වෙනුවෙන් වැඩ කරනව. මම ගායනා කරපු ගීත රැසක්ම දැනට මගේ ලග තිබෙනව. මට බලාපොරොත්තුවක් තියෙනව අවුරුද්දක් විතර කාලයක් ඇතුලත මම කරපු පළමු ගීත එකතුවක් මගේ ආදරනීය රසිකයින්ට තිළිණ කරන්නට. 

පවුලෙ විස්තර ගැනත් කියමුකො හේෂාන්...

ම්..ම්.. මගේ අම්ම තාත්ත තමයි මාව කලාකාරයෙක් කරන්න ගොඩක් මහන්සි වුනේ. ඒ වගේම මම දැන් විවාහකයි. මගේ බිරිඳ අංජලී. ඇය ඉන්දියානු ජාතික කාන්තාවක්. දැනට නර්තනය පිළිබඳව කතිකාචාර්යවරියක් ලෙස කටයුතු කරනව. මට තව ස්පයිඩර් මෑන් කෙනෙකුයි සුපර් මෑන් කෙනෙකුයි ඉන්නව. මගෙ දඟකාර පැටව් දෙන්න. දැන් වයස අවුරුදු හතක් විතර වෙනව. මේ අය තමයි ඉතින් මගේ ජිවිතේම වෙලා තියෙන්නෙ. 

නිතරම අලූත් අයට උදව් කරනව කියන්නෙ ඇත්තද...?

ඔව්. ඒත් මම ඒක ප‍්‍රසිද්ධිය බලාගෙන නම් නෙවෙයි කරන්නෙ. මම මේ තත්වයට එන්න ගොඩක් දුක් වින්ද. ඉතින් මට ඒ දුක තේරෙනව. අලූත් කෙනෙකුට ඒක දරාගන්න අමාරු දෙයක්. මම කැමතියි ඒ නිසා සංගීතයට ආදරේ කරන අයට මට පුලූවන් ආකාරයේ උදව්වක් කරන්න. ඒක මට ලොකු ආත්ම තෘප්තියක්. 

මාධ්‍ය පැත්තෙන් සිරස එක්ක විතරමද සම්බන්ධ වෙලා ඉන්නෙ...?

හොද ප‍්‍රශ්නයක්. ඇත්තටම එහෙම නැහැ. ගොඩක් අය හිතාගෙන ඉන්නෙ මම සිරසෙ වැඩ කරනවයි කියල. නමුත් මම සිරසෙ වැඩ කරන්නෙ නැහැ. එහෙම හිතන්නෙ මම සුපර් ස්ටාර් තරගාවලියෙ විනිසුරු මඩුල්ලෙ හිටපු නිසා වෙන්න ඇති. මිනිස්සු එහෙම හිතන එක කලාකාරයෙක් විදිහට මට ලොකු අසාධාරණයක්. මට දෙරණින් පවා ආරාධනා ලැබුන ඞී‍්‍රම් ස්ටාර් තරඟාවලියට. නමුත් මම ඒ වෙනකොට සිරසෙන් කරපු ආරාධනය පිළිඅරගෙනයි තිබුනෙ. ඒක නිසා මට ඒ ආරාධනාව පිළිගන්න බැරි වුනා. කලාකාරයෙක් කියන්නෙ රටේ ජනතාවගේ සම්පතක්. එයාට එක තැනකට කොටු වෙන්න බැහැ. කලාකාරයෙක් විදිහට මම සිරසත් එක්ක ලගින් වැඩ කරත් සිරසත් එක්ක මගේ කිසිම පෞද්ගලික සම්බන්ධයක් නැහැ.

දේශපාලනයට එන්න එහෙම අදහසක් නැද්ද...?

දේශපාලනේ ගැන පුරවැසියෙක් විදිහට මට තියෙන්නෙ අල්ප දැනුමක් විතරයි. ඒ කියන්නෙ මම දේශපාලනය ගැන ඒ තරම් දන්නෙ නැහැ. මට ඒ විශය ටිකක් නීරසයි. ඒක නිසා කවදාවත්ම මම දේශපාලනයටනම් එන එකක් නැහැ. 

සමහරු කියනව ඔබ විලාසිතා තුළින් රැුටිකල් ඩරිතයක් වෙන්න උත්සාහ කරනවයි කියල...

විලාසිතා වලට මගේ ලොකු කැමැත්තක් තියෙනව.  ඕනිම කෙනෙක්ට  ඕනිම දෙයක් හිතන්න අයිතියක් තියෙනව. ඒත් ඒක මගේ නිදහස. භාහිර පෙනුමෙන් කෙනෙක්ව මනින එක ගොඩක් අසාධාරණයි. සමහරවිට එයාගෙ ඇතුලෙ ඉන්නෙ වෙනස්ම කෙනෙක් වෙන්න පුලූවන්. අනික මම කරන දේ මගේ දෙමව්පියන්ට, මගේ බිරිඳට ප‍්‍රශ්නයක් නැතිනම් කවුරු මොනව කීවත් මට ප‍්‍රශ්නයක් නැහැ.

සුපර් ස්ටාර් ඊලග වටයේ අපිට ඔබව දකින්න ලැබේවිද...?

සමහරවිට එහෙම වෙන එකක් නැහැ. මම දැන් වසර තුනක් එක දිගට සුපර් ස්ටාර් විනිශ්චය මණ්ඩලයෙ කටයුතු කළා. මට හිතෙනව දැන් ඒ ඇති කියල. ඒත් මම එහෙම ප‍්‍රකාශයක් කරල නැහැ. සුපර් ස්ටාර් කියන්නෙ අති දැවැන්ත තරගාවලියක්. මම සතුටු වෙනව මට වසර තුනක් ඒ සමඟ සම්බන්ධ වෙලා අලූත් රපුරක් බිහිකරන්න අවස්ථාව ලැබීම පිළිබඳව. නමුත් සියයට අනූ නවයක් විතර බර තියෙන්නෙ මම එයින් සමුගන්නා පැත්තට.

සිනමා හා ටෙලිනාට්‍ය ගීත ගායනයට යොමුවෙන්න අදහසක් නැද්ද...?

ඒ ගැන මට අනිවාර්්‍යයෙන්ම කියන්න  ඕනි. අද ලංකාවෙ ටෙලිනාට්‍ය සහ සිනමා සංගීතය එක පැත්තකට කොටු වෙලා. දැනට මම ටෙලිනාට්‍ය දෙකක සහ එක් චිත‍්‍රපටයක පසුබිම් ගායනා ඉදිරිපත් කරල තියෙනව. නමුත් තවමත් මට ඒ සම්බන්ධයෙන් හොද ආරාධනයක් ලැබුනෙ නැහැ. මම බලාපොරොත්තු වෙනව ඉදිරියේදි හෝ මට අපේ සිනමාව වෙනුවෙන් යමක් කරන්න ලැබේවි කියල. කියන්න සතුටුයි මට දැන් ඉන්දියාවෙ චිත‍්‍රපටයක පසුබිම් ගායනයක් ඉදිරිපත් කරන්න අවස්ථාවක් ලැබිල තිබෙනව. සමහරවිට මේ මාසෙ අන්තිමට විතර එයට සම්බන්ධ වෙන්න අවස්තාව ලැබෙයි. 

මොනවද ඔබේ පේ‍්‍රක්‍ෂකයන්ට අවසාන වශයෙන් කියන්න තියෙන්නේ...?

සමහරු කියනව හේෂාන් ගායකයෙක් වුනාට එයා සින්දු කියන්නෙ නෑ කියල. නමුත් ඒක වැරදියි. මම ගායනා කරපු ගීත විශාල ප‍්‍රමාණයක් තිබෙනව. නමුත් ඒවා ප‍්‍රචාරය කරන්්නෙ නැති එකයි ප‍්‍රශ්නය. මාධ්‍ය ආයතන වල තියෙන්නෙ වෙනමම සිස්ටම් එකක්. කොහොම වුනත් මේ අවුරුද්දෙ හෝ ලබන අවුරුද්ගේ මගේ මුල්ම ගීත එකතුව මගේ රසිකයන් අතට පත්කරන්නයි මම හිතාගෙන ඉන්නෙ. ඒ වගේම මගේ ආවාස් ඇකඩමි එක හරහා ක්ක්‍ෂේත‍්‍රයට පැමිනීමට බලාපොරොත්තුවෙන් ඉන්න නවක පිරිසට උපරිමයෙන් අතහිත ලබාදෙන්නත් මම කැමැත්තෙන් ඉන්නව. සංගිතයට ආදරේ කරන හැම කෙනෙකුටම මම ආරාධනා කරනව මගෙත් එක්ක එකතුවෙන්න කියල. ඒ සඳහා කැමැත්තක් ඇති අයට පුලූවන් මගෙත් එක්ක කතා කරන්න 0711429000 හේෂාන් හැමදාමත් ඔයාලට ගොඩක් ආදරෙයි. 

සටහන:- අමිල නුවන් මධුසංඛ

රිතූ ආකර්ෂ කියන්නෙ මගේ හොද යෙහෙළියක් විතරයි...

kln.ac.lk

රිතූ ආකර්ෂ කියන්නෙ මගේ හොද යෙහෙළියක් විතරයි...

කාවිංග පෙරේරා

ලංකාවෙ පේ‍්‍රක්‍ෂකයන්ගෙ හිත්වල හරි ආදරණීය විදිහට ලැගුම් අරගෙන ඉන්න නළුවෙක් තමයි කාවිංග පෙරේරා කියන්නෙ. එයා ඉන්න තැනක මදි නොකියන්න හිනාවෙන්න පුළුවන් කියල කවුරුත් දන්නව. ඒ වගේ දගකාර සැහැල්ලූ ජිවිතයක් ගතකලත් කාවිංග පෙරේරා ගොඩක් සංවේදී හදවතක් තියන කොල්ලෙක් කියල දන්නෙ එයා වටේ ඉන්න බොහොම ටිකදෙනෙක් විතරයි. මේ දවස් වල විකාශය වන උතුම් පැතුම්, අඟුරු සිත්තම්, දියණියෝ, කුටු කුටු මාමා වගේම වස්සානේ පේ‍්‍රමය කියන ටෙලිනාට්‍ය වල එකිනෙකට වෙනස් චරිත නිරූපනය කරන කාවිංග කියන්නෙ සැබෑම දක්‍ෂයෙක්. කොයි තරම් කාර්යබහුල මොහොතක වුනත් අපිත් එක්ක කතා කරන්න වෙලාවක් වෙන්කරගන්නත් කාවිංග අමතක කළේ නැහැ. 

ඉතිං කාවිංග මොනවද මේ දවස්වල අලූත් තොරතුරු...?

ගොඩක් ලොකු විශේෂයක්නම් නැහැ ඉතින්. සුපුරුදු පරිදි ටෙලිනාට්‍ය රූගත කිරීම් වලට සහභාගි වෙනව. මේ දවස්වල මම රඟපාන ටෙලිනාට්‍ය පහක් විකාශනය වෙනව. ඉතින් ටිකක් විතර කාර්ය බහුලයි. ඒ වුනත් සාමාන්‍ය ජිවිතේ සුපුරුදු සැහැල්ලූවෙන් ඉන්නත් මම අමතක කරන්නෙ නෑ.

උතුම් පැතුම් වල කැලූම්ට ලැබෙන ප‍්‍රතිචාර එහෙම කොහොමද...?

ම්...ම්... ගොඩක් හොද ප‍්‍රතිචාර ලැබෙනව. මග තොටේදි වුනත් මිනිස්සු මගෙන් ඒ ගැන අහනව. හොද වගේම නරකත් කියනව. මෙවර සුමති මෙලි සම්මාන උළෙලේ ජනප‍්‍රියම ටෙලිනාට්‍යය වුනෙත් උතුම් පැතුම් ටෙලි නාට්‍යය. මමත් හිතනව උතුම් පැතුම් ජනතාව අතර ගොඩක් ජනප‍්‍රියයි කියල.

ජනප‍්‍රියම නළුවා වෙන්න බැරි වුන එක ගැන කණගාටුවෙන්ද ඉන්නෙ...?

අනේ නැහැ. කොහෙත්ම නැහැ. මම කවදාවත් සම්මාන බලාපොරොත්තුවෙන් රඟපෑවෙ නෑ. සම්මාන ලැබෙන්නත් පුලූවන්. නොලැබෙන්නත් පුලූවන්. ඒක සාමාන්‍ය දෙයක්. පාරට බැස්සහම බලාගන්න පුලූවන් කවුද ජනප‍්‍රියම කියල. මට ඒ ගැන දුකක් නැහැ. පේ‍්‍රක්‍ෂකයන්ගෙ සම්මානය ගොඩක් වටිනව. සම්මානයකට පොරකනවට වඩා ලැබෙන චරිතය හොදට කරන එක තමයි හොදම දේ. අනිත් එක සම්මාන ගත්තු හැම කෙනෙක්ටම මම හදවතින්ම සුභපතනව.

සිවමාව තුළ ඇයි කාවිංග පේන්න නැත්තෙ...?

මෙහෙමයි මට තවමත් ඒකට හොද අවස්ථාවක් ලැබුනෙ නැහැ. මම හිතන්නෙ සිනමා අධ්‍යක්‍ෂකවරුන්ට තවම මගේ නම්බර් එක ගිහින් නැතිව ඇති. හොද අවස්ථාවක් ලැබෙනකන් මමත් බලාගෙනයි ඉන්නෙ. එතකන් ටෙලිනාට්‍ය වල වැඩකටයුතු කරගෙන ඉන්නව. 

නළුවෙක් විතරක් නෙවෙයි ඔබ නිවේදකයෙක්...

ඔව් මගේ ආරම්භය වුනේ නිවේදන වෘත්තිය. මැක්ස් ටෙලිවිෂන් ආයතනයෙන් තමයි මම නිවේදනයට පිවිසුනේ. ජනක රාමනායක, චමුදිත සමරවික‍්‍රම වගේම සන්ධ්‍යා මෙන්ඩිස් මහත්මිය, රවීන්ද්‍ර විජේරත්න, තරංග දිසානායක කියන අයත් එක්ක වැඩමුළු වලට සහභාගි වෙලා ඒ ලබාගත්තු අත්දැකීම් එක්ක තමයි නිවේදනය සහ රංගනය ඔපමට්ටම් කරගත්තෙ. හිරු කවුන්ඞ් ඩවුන් වගේම තරු නිවාඩු ගිහින් කියන වැඩසටහන් මේ දවස්වල මම ඉදිරිපත් කරනව.

ඔබේ රඟපෑම් ගැන ඔබ තෘප්තිමත් ද...?

ඔව්. මම ඒ ගැන තෘප්තිමත්. සමහර වෙලාවට හිතෙනව සමහර චරිත ඊට වඩා කරන්න තිබුන නේද කියල. කොහොම නමුත් මම 75% ක් 80% ක් අනිවාර්යෙන්ම කරන චරිතයට සාධාරණයක් කරනව. මෙතුවක්කල් මම කරපු චරිත ගැන මම සෑහීමකට පත්වෙනව. මට ලැබුනෙ එකකට එකක් වෙනස් චරිත. ඒකාකාරී බවින් මිදෙන්න ලැබුණු එක ගැන සතුටුයි මට.

ආදරය කියන කාරණය කාවිංගට දැනෙන්නෙ කොහොමද...?

ම්... හොදට ඇනලයිස් කරල කරනවනම් ආදරේ කියන්නෙ නරක දෙයක් නෙවෙයි. ඒත් හොදට හිතල බලල කරන්න  ඕනි දෙයක් තමයි ආදාරේ.

රිතූ ආකර්ෂා එක්ක සම්බන්ධයක් තියෙනවයි කියන කටකතාව ඇත්තක්ද...?

හ...හා... එහෙම කටකතාවක් තියනවද..? මමනම් ඒ ගැන දන්නෙවත් නෑ. රිතූ කියන්නෙ මගේ හොද යෙහෙළියක්. එයා මට සහෝදරියක් වගෙයි. රිතූ විතරක් නෙවෙයි. ඉෂාරා, දිනක්‍ෂි, ශනුද්‍රි වගේම නිපුනිකා කියන්නෙත් මගේ හොදම යෙහෙළියො. අපි නිතරම එකට වැඩ කරනව. එච්චරයි. රිතූ එක්ක මගේ විශේෂ සම්බන්ධයක් නෑ.

කවද විතරද විවාහයක් ගැන හිතන්නෙ...?

දැන්මනම් ඒ ගැන හිතන්න අදහසක් නෑ. ඊට කලින් කරන්න වැඩ ගොඩක් තියෙනව. එක ගැන ඒ කාලෙට දැනගන්න ලැබෙයි.

මොනවද ඉදිරියට එන්න තියෙන නිර්මාණ...?

දැනට රූගත කරන නිර්මාණ හැම එකක්ම වගේ විකාශනය වෙනව. තව මහේන්ද්‍ර කුලසිංහ මහත්තයගෙ අලූත් නිර්මාණයකට ආරාධනා ලැබිලයි තියෙන්නෙ. ඒකෙ රූගත කිරීම් ලබන මාසෙ මුල වගේ පටන් ගනීවි.

මොකක්ද මේ ෆේස් බුක් අවුල..?

ඒකනම් කියන්නම  ඕනි. මට ඇත්තටම පෞද්ගලික ෆේස්බුක් පිටුවක් නැහැ. නමුත් මගේ නමින් වෙනත් අය පවත්වාගෙන යන ව්‍යාජ ගිණුම් ගොඩක් තියෙනව. ඒක නිසා ගොඩක් අයගෙ ඉල්ලීමත් සළකල බලල මම මගේ නමින් ඔෆීෂියල් ෆෑන් පේජ් එකක් නිර්මාණය කළා මීට සතියකට විතර කලින්. කාවිංග පෙරේරා කේ පී කියල සර්ච් කලොත් මගේ ඔෆීෂියල් ෆෑන් පේජ් එකට සම්බන්ධ වෙන්න පුලූවන්. 

පහුගිය ජිවිතේ ගැන කලකිරීමක් නැතිද...?

නැහැ. මම කිසිම දෙයක් ගැන පසුතැවිලි වෙන්නෙ නැහැ. සිද්ධ වෙච්චි හැම දෙයක්ම අනාගතේට හොද අඩිතාලමක් නිර්මාණය කලා.

කාවිංගට මොනවද පේ‍්‍රක්‍ෂකයන් වෙනුවෙන් කියන්න තියෙන්නෙ...?

පේ‍්‍රක්‍ෂකයන්ට කියන්නෙ හැමදාමත් අපිත් එක්ක ඉන්න කියල. මම එයාලට ගොඩක් ආදරෙයි. පේ‍්‍රක්‍ෂකයන්ගෙ ආදරේ රංගන ශිල්පියෙක්ට ගොඩක් වැදගත්. කාවිංග කියන්නෙ ඔයාල වගේ සාමාන්‍ය කෙනෙක්. නළුවෙක් විදිහට එයා අයිති ඔයාලටම තමයි.

සංවාද සටහන :- අමිල නුවන් මධුසංඛ

මම හොදම නිළිය වෙන එක කාටවත් වලක්වන්න බැහැ..

kln.ac.lk

මම හොදම නිළිය වෙන එක කාටවත් වලක්වන්න බැහැ..

සොනක්‍ෂි සිංහා

මේ දවස් වල බොලිවුඞ් පුරවරයේ නමක් හදාගන්න දක්‍ෂතාවය, ලස්සන කියනදේට වඩා පවුල් පසුබිම ගොඩක් බලපානවා. ඒ වගේ බොලිවුඞ් පුරවරයට නෑකම් කියන පවුලකින් පැවත එන යෞවනයේ ආකර්ශනීයම සුන්දර තාරකාවක් ගැන තමයි අද ඔයාලට කියන්න යන්නෙ. ඒ වෙන කවුරුත්ම නෙවෙයි. ඔයාල හොදින් දන්න කෙනෙක්. සොනාක්‍ෂි සිංහා. තමන් රඟපෑ පළමු චිත‍්‍රපටයෙන්ම නැගී එන නිළියට හිමි සම්මානය දිනාගත්තු සොනාක්‍ෂි අද බොලිවුඞ් වල කථාබහට ලක්වෙන චරිතයක් වෙලා. ඩබාන්ග්, රව්ඩි රතෝඩි, ජෝකර්, සන් ඔෆ් සර්දාර්, ලූතෙරා රාජා, බොස්, බුලට් රාජා, ආර් රාජ් කුමාර් මෙන්ම ඇක්ෂන් ජැක්සන් සහ තෛවාර් කියන චිත‍්‍රපටි සොනක්‍ෂිගෙ දක්‍ෂතාවය මොනතරම්ද කියල අපිට පෙන්වනව. ඒ වගේම මේ වසරේ තිරගත වෙන්න නියමිත අකිරා චිත‍්‍රපටයත් සුපර් හිට් එකක් වෙයි කියලයි සොනාක්‍ෂි කියන්නෙ. බොලිවුඞ් වල අනාගතේ බාරගන්න ඉන්න මේ සුරූපී නිළිය පහුගිය දවසක මාධ්‍ය සාකච්ජාවකට මුහුණ දුන්නෙ මෙන්න මෙහෙමයි. 

මේ දවස්වල ඔබ කලහකාරී විදිහට හැසිරෙනව කියන්නෙ ඇත්තද...?

ම්...ම්... ඔව් ඔව් මම මේ දවස්වල ටිකක් විතර කලහකාරී වෙලා තමයි ඉන්නෙ. ඒ වෙන හේතුවක් නිසා නෙවෙයි. මගේ අලූත්ම චිත‍්‍රපටය අකිරා වෙනුවෙනුයි මම කලහකාරී වෙලා ඉන්නෙ. ඒ වෙනුවෙන් මට සටන් පුහුණු වෙන්නත් සිද්ධවුනා. මට වගේම මගේ රසිකයින්ටත් ඒක වෙනස්ම අතිදැකීමක් වේවි. 

මොකක්ද මේ අර්ජුන් කපූර් එක්ක තියෙන පටලැවිල්ල...?

මොන පටලැවිල්ලක් ද...? අපි අතර එහෙම කිසිම දෙයක් නැහැ. මම එයත් එක්ක තෛවාර් චිත‍්‍රපටයේ එකට වැඩ කළා. අර්ජුන් ගොඩක් දක්‍ෂයි. ඒ වගේම අපි දෙන්න තිරයේ හොද පෙම්වතුන් කියල ගොඩක් අය කියනව. එහෙම නැතිව මට අර්ජුන් ගැන විශේෂ හැගීමක් නැහැ

සමකාලීන නිළියන් එක්ක ඔබ වැඩි කථාබහක් නෑ කියන්නෙ ඇත්තද...?

ක්‍ෂේත‍්‍රයෙන් පිට මට යාලූවො ගොඩක් ඉන්නව. සිනමා ලෝකෙනම් ඒ තරම් ලගින් ඇසුරු කරන යාලූවො නෑ. මම කවුරු එක්ක ගනුදෙනු කරත් අතේ දුරින් ඉන්නෙ. එතකොට ප‍්‍රශ්න අඩුයිනෙ. ඒත් මම ආඩම්බරකාර චරිතයක්නම් නෙමෙයි. වැඩ කරන වෙලාවට හැමොමත් එක්ක සහයෝගයෙන් ඉන්න මම දන්නව. 

බිකිනි අඳින්න අකමැති ඔබට හැඩැති සිරුරක් නැති නිසා නේද...?

මම පිළිගන්නව. මම ටිකක් මහතයි තමයි. ඒ වුනත් මම කැත කෙල්ලෙක් නෙමෙයි. පෞද්ගලිකව මම බිකිනි අඳින්න අකමැතියි. ඒක නිසා චිත‍්‍රපටි වල අඩනිරුවතින් ඉන්න මම සූදානම් නැහැ. බිකිනියකින් කරන්න පුළුවන් දේ මම සාරියකින් කරල පෙන්නල තියෙනව රාජ් කුමාර් චිත‍්‍රපටයෙදි. 

පහුගිය දවස් වල ඔබ රඟපෑ බොහොමයක් චිත‍්‍රපට අසාර්ථක වුනා...

හැමදාමත් සාර්ථක වෙන්න බැහැනෙ. මිනිස්සුන්ගේ ජිවිතේ අසාර්ථක වෙන අවස්ථාවන් පවා තියෙනවා. ඒක මම තේරුම් අරගෙනයි ඉන්නෙ. පහුගිය දවස්වල මම එක දිගටය වැඩ කළා. චිත‍්‍රපටිත් එක දිගට තිරගත වුනා. තෛ්වාර් චිත‍්‍රපටය අසාර්ථක එකක් කියල කියන්න බෑ. ඒක ගොඩක් හොද එකක්. පේ‍්‍රක්‍ෂකයො ඇයි ඒ චිත‍්‍රපටය ප‍්‍රතික්‍ෂේප කළේ කියන එක මටත් ලොකු ප‍්‍රශ්නයක්. 

සමහරු කියනවා දැන් ඔබේ කාලය අවසන් කියලා...

කවුද එහෙම කියන්නෙ...? ඒක මෙන තරම් බොළඳ කථාවක් ද...? මේ මගේ ආරම්භය විතරයි. මට තව යන්න ගොඩක් දුර තියෙනව. මම දවසක හොදම නිළිය වෙන එක වලක්වන්න කිසිම කෙනෙකුට බැහැ. ඒ වෙනුවෙන් මම ගොඩක් මහන්සි වෙනව. ඔයවගේ කථා කියන අයට හිතාගන්න බැරි වේවි ඒ දවසට. 

ශාහිඞ් කපූර් ඔබේ පෙනුමට අකමැතියි කියන්නෙ ඇත්තද...? 

ඒක ඉතින් අහන්න  ඕනි එයාගෙන්ම තමයි. මම හිතන්නෙ නැහැ ශාහිඞ් එහෙම කථාවක් කියයි කියල. මගේ ලස්සන හොයනවට වඩා එයාට කරන්න වෙන වැඩ තියෙනව.  ඕව මිනිස්සු අපිව කොටවන්න කියන කථා. 

පවුල් බලයක් නැතත් දීපිකා, කත‍්‍රිනා වගේ නිළියො ඔයාට වඩා ඉදිරියට ගිහින්...

දක්‍ෂතාවය, හැකියාව වගේම වාසනාවත් ඒකට තියෙන්න  ඕනි. මගේ අම්මයි තාත්තයි සිනමාවට සම්බන්ධයි කියල මම ආඩම්බර වෙන්නෙ නැහැ. මගේ ඉදිරි ගමන තීරණය කරන්නෙ ඒ දේවල් නෙමෙයි. මගේ කැපවීමයි. දීපිකාගෙවත් කත‍්‍රිනාගෙවත් ජනප‍්‍රියත්වය මගේ ගමනට බාධකයක් නෙමෙයි. 

ජනප‍්‍රිය නළුවො එක්ක රඟපාන්න ඔබ ගොඩක් කැමතියිලූ නේද...?

එහෙම විශේෂයක් නැහැ. සල්මන් ඛාන්, අජේ දේව්ගන්, ආක්‍ෂය කුමාර් කියන ප‍්‍රවීනයො එක්ක වගේම අර්ජුන් කපූර්, ශාහිඞ් කපූර්, රන්වීර් සිං වගේ අලූත් පරපුරේ අයත් එක්කත් මම වැඩ කරල තියෙනවා. එමහර වෙලාවට ප‍්‍රවීන අයත් එක්ක වැඩ කරන එක ලේසියි. එයාලගෙන් ගොඩක් දේවල් ඉගෙනගන්න පුලූවන්. ශාරුක් ඛාන් වගේම අමීර් ඛාන් එක්ක රඟපාන එකත් මගේ ජිවිතේ එක සිහිනයක්.

අලූත් පරපුරේ අභියෝගයක් වෙන නිළියක් ඔබට ඉන්නව ද...?

කිසිම කෙනෙක් මට අභියෝගයක්නම් නෙවෙයි. මම කැමතියි මට මාවම අභියෝගයක් කරගන්න. අනෙක් අයත් එක්ක තරඟයක් මට නැහැ. අනික මට  ඕනි දේ මම කොහොම හරි ලබාගන්නව. එතනදි මම කාටවත් පරාද වෙන්නෙ නැහැ. 

සටහන :- අමිල නුවන් මධුසංඛ 

සිද්ධාර්ත්ගෙ පෞරුෂය ඉස්සරහ මම දියවෙලා යනව.

සිද්ධාර්ත්ගෙ පෞරුෂය ඉස්සරහ මම දියවෙලා යනව.

ශ‍්‍රද්ධා කපූර්

තරඟකාරීත්වය දවසින් දවස වැඩිවන බොලිවුඞ් පුරවරයේ තමන් රඟපාපු අඩු වියදම් සිනමා පටයකින් නොහිතපු සාර්තකත්වයක් ලබපු නිළියක් තමයි ශ‍්‍රද්ධා කපූර් කියන්නෙ. මූනෙ ඇදෙන අහින්සක සිනහව, දිගටි නෙතු සගල වගේම සරාගී දෙතොල් සඟලක් හිමි ශ‍්‍රද්ධ එහෙමත් නැත්නම් ගොඩක් අය හදුන්වන අරෝහි ඉන්දියාවෙ විතරක් නෙවෙයි ලංකාවෙ කොල්ලොත් පිස්සු වට්ටපු කෙල්ලෙක් කිව්වොත් හරි. ආශිකී 2, ඒක් විලන් වගේම මේ දවස් වල  ඒ.බී.සී.ඞී 2 චිත‍්‍රපටයෙනුත් අපිට ශ‍්‍රද්ධගෙ අපූරු හැකියාවන් බලාගන්න පුලූවන්. බොලිවුඞ් වල කොයි තරම් කාර්යබහුල නිළියක් වුනත්, තමන් එක්ක කොෆි එකක් බොන්න එන්නයි කියල කරන් කරපු ආරාධනයනම් එයාට අහක දාන්න බැරිවුනා. 

ඔබ දැන් ගොඩක් ජනප‍්‍රිය නිළියක් වෙලා...

ම්...ම්...ම්...ගොඩක් ජනප‍්‍රියයි කියල මටත් හිතෙනව. වෙනද වගේ මට දැන් සාමාන්‍ය කෙල්ලෙක් විදිහට පාරෙ බැහැල යන්නත් බැහැ. ඒත් ඒකට මම කැමතියි. මේ හැබෑවෙලා තියෙන්නෙ මගේ පුංචි කාලෙ ඉදන් තිබුණු සිහිනයක්. මම මේ හැමදේකටම ගොඩක් ආදරෙයි.

බොලිවුඞ් වල කවුද ඔබේ ලඟම මිතුරියන්...?

ක්‍ෂේත‍්‍රය ඇතුලෙනම් මට ගොඩක් යාලූවො නෑ. ඒත් මම ගොඩක් ලගින් ඇසුරු කරන දෙන්නෙක් තමයි පරිනීති සහ ආලියා. සමහර විට අපි එකම කාලෙ සිනමාවට ආපු නිසා වෙන්න ඇති මේ තරම් කිට්ටු වුනේ. මොන දේ වුනත් මම කියන්නෙ එයාල දෙන්නට තමයි. අපි හරියට සහෝදරියො වගේ.

ආදිත්‍ය රෝයි කපූර් එක්ක සම්බන්ධයක් තියනව කියන්නෙ ඇත්තද...?

අයියෝ... ඕක ගොඩක් පරන කතාවක්. ආශිකී චිත‍්‍රපටය තිරගතවුනාට පස්සෙ ගොඩක් අය එහෙම කියන්න පටන්ගත්ත. ඒත් මගේ හිතේවත් ආදිත්‍යගෙ හිතේවත් ඒ වගේ අදහසක් නෑ.  ඕනි කෙනෙක්ට  ඕනි දෙයක් කියන්න පුලූවන්. අනික මගේ කැමැත්ත තියෙන්නෙ වෙන තැනක. ඉතින් කොහොමද ඒ කතාව ඇත්තක් වෙන්නෙ.

ඔබේ සහකරුවා සිනමාවෙම කෙනෙක් වුනොත්...

සමහරවිට එහෙම වෙන්නත් පුලූවන්. හැබැයි එයා මට සියයට සියයක් ගැලපෙන්න  ඕනි. සිද්ධාර්ත් වගේ පෞරුෂයක් තියෙන කෙනෙක් නම් මම ගොඩක් කැමතියි. ඒත් ගොඩක් නළුවන්ට ඒ වගේ කොලිටීස් නැහැ. එයා සිනමාවට සම්බන්ධ වෙන්නම  ඕනි නෑ. 

ඇත්තද ඔබ දැන් මාධ්‍යවේදීන්ට ගණන් උස්සනව කියන්නෙ...?

ඒක බොරු කතාවක්. මම කා එක්කත් සුහදයි. ඒත් ගෑනු ළමයින්ව අපහසුතාවට පත්කරන අයට මාධ්‍යවේදියො කියන්න පුලූවනිද...? ඒ වගේ අය එක්ක ගණුදෙනු කරන්නනම් මගේ කැමැත්තක් නැහැ. වැරදි විදිහට තොරතුරු ගන්න එන අයට පේන්නෙ මම ගණන් උස්සනව කියල වෙන්න ඇති.

ශාරුක් ඛාන් හරි රිතික් රෝෂන් හරි චිත‍්‍රපටියක රඟපාන්න ආරාධනා කළොත්...

අම්මෝ... ඒක ලොකු අවස්ථාවක්නෙ. එහෙම උනොත් මම රිතික්ගෙ ආරාධනාව මුලින්ම බාරගන්නව. මම රිතික්ට ගොඩක් කැමතියි. ශාරුක්ටත් කැමතියි. ඒත් තිරයේ මට ගොඩක් මැච් වෙන්නෙ රිතික් කියලයි මට හිතෙන්නෙ.

සමකාලීන නිළියන් ඔබට අභියෝගයක් නොවෙයිද...?

මගේ පරපුරේ අය ගොඩක් දක්‍ෂයි. ඒ අය ලග වෙනස්ම හැකියාවන් තියෙන්නෙ. මටනම් කවුරුත්ම අභියෝගයක් නෙවෙයි. මට පුලූවන් දේ මම උපරිමයෙන් කරනව. ඒක නිසා තරඟයක් නෑ. 

මහේෂ් භාත්ගෙ සරාගී චිත‍්‍රපටකට ආරාධනා ලැබුනොත් භාරගන්නවද...?

අනිවාර්යයෙන්ම. එයාගෙ ආරාධනයක් මම අහක දාන්නෙ කොහොමද...? හැබැයි ඒක මට යමක් කරන්න තියෙන ෆිල්ම් එකක් වෙන්න  ඕනි. ඒ වගේම සිද්ධාර්ත් ඒ ෆිල්ම් එකේ ප‍්‍රධාන චරිතය රඟපානවනම් මම තවත් කැමතියි. අනික නිළියක් කියන්නෙ  ඕනිම දෙයක් කරන්න පුලූවන් කෙනෙකුටනෙ. ඒ නිසා කිසිම දේකට පස්ස ගහන්න හොද නෑ. 

සිද්ධාර්ත් ගැන මොකද ඔය තරම් කැමැත්තක්...?

අනේ මන්ද...? සිද්ධාර්ත් කියන්නෙ මම ගොඩක් කැමති කොල්ලෙක්. එයා වගේ වෙන්න කාටවත්ම බෑ. ඒක් විලන් ෆිල්ම් එකට මම කැමති වුනෙත් සිද්ධාර්ත් නිසාමයි. සිද්ධාර්ත්ගෙ පෞරුෂය ඉස්සරහ මම දියවෙලා යනව. ඒත් ඒකෙන් කියන්නෙ නෑ මායි එයයි අතරෙ සම්බන්ධයක් තියනව කියල. 

කත‍්‍රිනා කායිෆ් එක්ක තියෙන අමනාපය මොකක්ද...?

අම්මෝ මම බොහොම අහිංසක කෙල්ලෙක්. එයත් එක්ක කිසිම අමනාපයක් මට නෑ. මම සාමාන්‍ය කෙල්ලෙක්. මට කා එක්කවත් ප‍්‍රශ්න ඇතිකරගන්න  ඕනි නෑ.  ඕව අපි අතර ප‍්‍රශ්න ඇතිකරන්න සමහරු ගොතන කතා. අනික කාගෙවත් බෙල්ල කපාගෙන ඉදිරියට යන්න මට  ඕනි නෑ.

සටහන :- අමිල නුවන් මධුසංඛ

පොඩ්ඩන් බලාගන්න තාක්‍ෂණයේ පිහිට

kln.ac.lk

පොඩ්ඩන් බලාගන්නත් තාක්‍ෂණයේ පිහිට 

මේ කාලයේ මව්පියන් සමඟ කිසියම් කටයුත්තක්‌ සඳහා රැඳී සිටින විට දඟලන පොඩිත්තන් දකින්නට ලැබෙන්නේ බොහෝ අඩුවෙනි. පැත්තකට වී ඉඳගෙන මව්පියන්ගේ ජංගම දුරකථනයේ ක්‍රීඩාවක්‌ කරන්නට වීඩියෝවක්‌ බලන්නට බොහෝ ළමයින් පුරුදු වී තිබේ. අපේ කුඩා කාලයේ මෙවැනි තාක්‌ෂණික මෙවලම් නොතිබූ බව පැවසීම දිනක ළමයින්ට විශ්වාස කළ නොහැකි දෙයක්‌ විය හැක. මිල අධික නොවන හා ශක්‌ති කාර්යක්‌ෂම බ්ලූටූත් තාක්‌ෂණය සහ ස්‌මාට්‌ ජංගම දුරකථන බහුලත්වය නිසා ළදරුවන් වෙනුවෙනුත් පසුගිය වසර කීපය තූළ නොයෙකුත් තාක්‌ෂණික මෙවලම් එළි දැක තිබේ. ඒ මදිවට තරුණ තාක්‌ෂණ ව්‍යවසායකයින් හවුල් වී තම දරුවන්ගෙන්ම අත්හදාබැලීම් කර බලන්නටත් යොමු වී තිබේ.

ක්‍රිස්‌ටින් හැන්කොක්‌ ලන්ඩනයේ ප්‍රාථමික පාසලක ගුරුවරියක වූවාය. ඇගේ දරුවා නිතර නිතර රෝගී වන විට අවශ්‍ය පරීක්‌ෂාවන් කිරීමට ඇයත් සැමියාත් කළේ බ්ලූටූත් ක්‍රියාකාරිත්වය ඇති උපකරණවල පිහිට පැතීමය. ඔවුන්ට සැමවිටම වාගේ දරුවාගේ උෂ්ණත්වය මැනීමට උවමනා වූවත් දරුවාගේ මුවෙන් හෝ කනෙන් නිවැරදි මැනීමක්‌ කර ගැනීම නම් බොහෝ අපහසු විය. ඒ නිසාම වෙහෙසට පත් වූ එක්‌ දිනක ක්‍රිස්‌ටින් මට නිවැරැදි මැනීමක්‌ කර ගන්න හැකි දෙයක්‌ උවමනා යෑයි කෑ ගෑවාය. පැසිෆි (Pacifi) නිෂ්පාදනය බිහි වූයේ එහි ප්‍රතිඵලයක්‌ ලෙසටය. එය උෂ්ණත්වමානයක්‌ අඩංගු මුවේ රඳවන සූප්පුවකි. එයින් දැක්‌වෙන තොරතුර බ්ලුටූත් මඟින් දෙමාපියන්ගේ ස්‌මාට්‌ ජංගම දුරකථනයට යෑවීම කෙරේ. දරුවාට උණ ඇති විට සහ බෙහෙත්වලින් ගුණයක්‌ තිබෙනවාද යන්න එය අඟවන්නේය. ළදරුවා සිටිය යුතු ස්‌ථානයෙන් ඉවතට බඩගා හෝ පෙරළී ගොස්‌ සිටියහොත් එවිටද අනතුරු නිවේදනයක්‌ නිකුත් කිරීමට එම ළදරු සූප්පුවට හැකිය. වර්තමානයේ නිපදවෙන ....... නැවත බල ගැන්වීමක්‌ උවමනා නොවන තරම්ය. එහි අඩංගු කුඩා බැටරියේ ශක්‌තිය එහි ජීවිත කාලයටම ප්‍රමාණවත් බව ක්‍රිස්‌ටින් පවසන්නීය.

ජැක්‌ ලෙපයින් පැරීසියේ ඉංජිනේරුවෙකි. දිනක්‌ ඔහු තම ළදරු පුතාට බෝතලයෙන් කිරි පොවමින් සිටියේය. ඔහුගේ බිරිඳ පසුපසින් පැමිණ අසතුටින් කියා සිටියේ ඔහු එම කටයුත්ත හොඳින් නොකරන බවකි. ජැක්‌ නිවැරදිව බෝතලය අල්ලා ගෙන නොසිටි නිසා කිරි බීම අවසන් කරන්නටත් පෙර පුතා වෙහෙසට පත්ව සිටියේය. ඒ තත්ත්වය පිළිබඳව කල්පනා කළ ජැක්‌ බෝතලයේ දිශාව තනිවම වෙනස්‌ කර ගත හැකි බෝතලයක්‌ නිර්මාණය කළේය. ගිග්ල් බොට්‌ල් (Gigl bottle) ලෙසින් හැඳින්වෙන එම බෝතලයට ළදරුවා කොතරම් බීවාද සහ කුමන වෙලාවක බීවාද යන තොරතුරු බ්ලූටූත් මඟින් යෑවීමටද හැකිය. ගිග්ල් බොට්‌ල් දැන් විශාල වශයෙන් චීනයේ නිෂ්පාදනය කෙරේ.

භෞතික විද්‍යාඥ මිකේල් ගන්සන් සහ ආචාර්ය මීඅම් ගෝල්ඩ්ස්‌ටයින් ඔවුන්ගේ දරු තිදෙනා සමඟ ජීවත් වන්නේ ජෙරුසලමේ ජර්මානු කොලනියේය. ඔවුන් පවසන්නේ ඔවුන්ගේ සවුන්ඩ්ස්‌ලීප් අයෑදුම (SoundSleeper app) පටන්ගත්තේ මූලිකවම ඔවුන්ගේම පෞද්ගලික අවශ්‍යතාවය නිසා බවය. එම අයෑදුම වර්ෂාව වැටෙන හඬ වැනි ළදරුවාට නිදා ගැනීමට උපකාර වන හඬ වයන්නේය. එහි කන්දීමේ ක්‍රමය ළදරුවාගේ හඬගෑම පිළිබඳව පරීක්‌ෂාකාරිව සිට නිදිමත ඇති කරන ශබ්ද පෙළගස්‌වයි. සෑම රාත්‍රියකම ළදරුවා නිදාගත් ආකාරය ප්‍රස්‌තාර මගින් පෙන්වාදීමද එමගින් කෙරේ. දැන් සවුන්ඩ්ස්‌ලීප අයෑදුම් වෙළඳපලේ ඉහළම අයෑදුම් 100 අතරට එක්‌ වී ඇත.

ආචාර්ය පෙඩ්ෙඩ්‍රා මොනාගා පවසන්නේ ඔහුගේ පුතා ඉපදුන විට බොහෝ අඬන්නට වූ බවයි. ආචාර්ය මොනාගා ඔහුගේ හැඩීම පටිගත කළේය. ඔහු තම මිතුරන්ට කියා ඔවුන්ගේ දරුවන් අඬන හඬද පටිගත කර ගෙන්වා ගත්තේය. ඉන්පසු ඔහු ඒවායේ තරංග හැඩය විශ්ලේෂණය කළේය. ළදරුවා බඩගින්න, විඩාව, පීඩාව, හිංසාව සහ ආයාසය ආදියේදී නඟන හඬ බොහෝ වෙනස්‌ බව ආචාර්ය පෙඩ්ෙඩ්‍රා සොයා ගත්තේය. ඔහු බාසිලෝනා, මෙක්‌සිකෝ සිටි සහ සෝල් නගරවල රෝහල්වල පරීක්‌ෂණ පවත්වා හැඩීමට හේතුව දක්‌වන පරිගණක වැඩසටහනක්‌ සොයා ගත්තේය. සාමාන්‍යයෙන් 95% ක්‌ම එහි දැක්‌වීම නිවැරදි විය. ළදරුවා බඩගිනි විට නඟන හැඩීම උද්යෝගී තියුණු බෙරිහන් දීමකි. වෙහෙස ඇති විට කෙඳිරිගෑමක්‌ කරයි. පීඩාව ඇති විට කරනුයේ වේගවත් කෙටි ඇඩීමකි. ආචාර්ය මොනාගා ඔහුගේ වයික්‍රයි වැඩසටහන සමාන කරන්නේ අලුත් මව්පියන්ගේ උදව්වට සිටින දක්‌ෂ ආච්චී හෝ සීයා කෙනෙකු ලෙසටය. අවසානයේ මව්පියන්ට එය නොමැතිවම තම දරුවාගේ ඇඩීම වටහා ගැනීමට හැකියාව ඇතිවේ.

සටහන :- අමිල නුවන් මධුසංඛ

හිටපු ජනපති මරණ දණ්‌ඩනයට

kln.ac.lk

හිටපු ජනපති මරණ දණ්‌ඩනයට

මොහමඩ්මෝසි මහතා ඊජිප්තුවේ පස්‌වැනි ජනාධිපතිවරයාය. ඊජිප්තු ඉතිහාසයේරටේ නායකත්වයට ප්‍රජාතන්ත්‍රවාදිව තේරී පත් වූ පළමුවැන්නා වනඔහු 2012 ජූනි 30 සිට 2013 ජූලි 3 දක්‌වා රට පාලනය කළේය. 2013 ජූනි ඊජිප්තුවන්ගේ විරෝධයන් සහ 2013 ජූලි ඊජිප්තුකුමන්ත්‍රණයෙන් පසුව සේනාධිපති අබ්දෙල් ෆටා අල් සිසි විසින්මෝසි මහතා පාලනයෙන් ඉවත් කරනු ලැබීය. අද මෝසි මහතා මරණදණ්‌ඩනයට මුහුණ දී සිටින්නේය. 2011 ජනවාරි 8 මෝසි මහතා සහමුස්‌ලිම් බ්‍රදර්හුඩ් සංවිධානයේ තවත් නායකයන් 24 දෙනෙකුසිරභාරයට ගැණුනු අතර ඉන් දින දෙකකට පසු ඔවුන් සිරගෙය කඩාගෙනඑළියට යාම සිදුවිය. වසර 4 කට පසුව මෝසි මහතා සිරගෙය කඩාගෙන යාමසම්බන්ධයෙන් නඩු විභාගයට මුහුණ දුන්නේය. ඔහු ඇතුළු තවත් 105 දෙනෙකු 2015 මැයි 16 දින මරණ දණ්‌ඩනයට නියම විය. අධිකරණයෙඅවසන් තීන්දුව ප්‍රකාශයට පත් කිරීමට ජූනි 2 නියමව තිබුණත් එදිනනැවතත් අවසන් තීන්දුව ප්‍රකාශයට පත් කිරීම ජූනි 16 තෙක්‌ කල්තැබුණි.

මෝසි මහතා 2012 දි විරෝධතාකරුවන් රඳවා තබාගැනීම සහ වධ දීමටනියෝග කිරීම යන වැරදි වෙනුවෙන්ද වසර 20 ක සිරදඬුවමකට යටත්වසිටින්නේය. මෝසි මහතාගේ මාස 12 ක පාලන කාලය බොහෝ ඊජිප්තුවන්දකිනුයේ ආර්ථික සහ සමාජමය ප්‍රශ්න නිරාකරණයට වඩා දේශපාලනහසුරුවීම පිහිටුවීමට යෙදවූ කාලයක්‌ ලෙසටය. ජනාධිපති ලෙස මෝසිමහතාට අසීමිත බලයක්‌ පිරිනමාගෙන තිබුණි. අධිකරණ පාලනයකින් තොරවහෝ ඔහුගේ ක්‍රියාවල ගුණදොස්‌ විවේචනයක්‌ නැතිව නීති පැනවීමේහැකියාවක්‌ ඔහුට විය. ඔහු දක්‌වා තිබුණේ ඒ මගින් කලින් පැවති 30 වසරක මුබාරක්‌ යුගයේ බල රාමුවෙන් රට බේරා ගන්නා බවටය.නොවැම්බර් මාසයේ අවසන් කාලයේ මෝසි මහතා ඉස්‌ලාමීයයන්ගෙන් අනුබලලබන ව්‍යවස්‌ථාවලියක්‌ කෙටුම්පත් කර ජනමත විමසුමක්‌ කැඳවූවේය.එම ක්‍රියාව ඔහුගේ විරුද්ධවාදින් විසින් හඳුන්වා දුන්නේඉස්‌ලාමීය කුමන්ත්‍රණයක්‌ ලෙසටය. මෙම කාරණා මෙන්ම ජනමාධ්‍යකරුවන්ගේ චෝදනා සහ අවිහිංසාවාදි පෙළපාලිකරුවන්ට කළ පහරදීම්පිළිබඳ පැමිණිලි සමඟින් 2012 නොවැම්බර් මස සියදහස්‌ ගණන්ඊජිප්තුවෙන් වීදි බසින්නට විය. මෝසි මහතාගේ පාලනයට වසරක්‌පිරුණ 2013 ජූනි 30 දින ඔහුගේ විරුද්ධවාදීන් විසින්පෙළපාලියක්‌ සංවිධානය කෙරුණි. එයට ඊජිප්තුව පුරා මිලියන ගණනින්පෙළපාලිකරුවන් එකතු වූ අතර ඔවුන් ජනාධිපතිතුමාට ඉල්ලා අස්‌වනලෙස බලකර සිටින්නට විය. දින 3 කට පසුව එවකට හමුදා ප්‍රධානියාවසිටි සහ වත්මන් ජනාධිපතිවරයා වන අබ්දෙල් ෆටා අල් සිසි රටේපාලනය අතට ගත්තේය.

මෝසි මහතා සහ ඔහුගේ ඉහළ උපදේශකයන්ට විරුද්ධව නඩු විභාග කිරීමඇරැඹෙන තුරු මාස කීපයක්‌ම ඔවුන්ව හුදකලා සිර අඩස්‌සියේ තබාතිබුණි. මෝසි මහතා ජනාධිපතිව සිටින විට 2012 දෙසැම්බර්ජනාධිපති මන්දිරය ඉදිරියේ රැස්‌ව සිටි පෙළපාලිකරුවන් විසිරුවාහරින ලෙස පොලිසියට විධාන දී තිබුණි. නමුත් ඔවුන් එයප්‍රතික්‌ෂේප කිරීම නිසා මෝසි මහතා කර තිබුණේ ඔහු සාමාජිකත්වයදරන මුස්‌ලිම් බ්‍රදර්හුඩ් සංවිධානයේ ආධාරකරුවන් ඒ සඳහායෙදවීමය. එහිදී ඇති වූ ගැටුමේදි 11 දෙනෙකු මරණයට පත්ව තිබුණි.විරෝධතාකරුවන් රඳවාගැනීමට සහ වද දීමට අණ දීමේ වරදට මෝසි මහතාඇතුළු බොහොමයක්‌ විත්තිකරවන්ට බරපතළ වැඩ ඇතිව වසර 20 කසිරදඬුවම් නියම විය.

ප්‍රජාතන්ත්‍රවාදිව තේරීපත් වූ හිටපු ජනාධිපතිතුමා අධිකරණබලධාරීන් සමඟ එකඟ වන්නේ නැත. තමා හමුදා කුමන්ත්‍රණයක ගොදුරක්‌වී ඇති බවට පළමු නඩු විභාගය ආරම්භයේදී ඔහු විත්ති කූඩුවේ සිටකෑගසා කීවේය. රටේ ව්‍යවස්‌ථාවට අනූව ජනරජයේ ජනාධිපති තමා බවත්තමාව බලහත්කාරයෙන් රඳවාගෙන සිටින බවත් මෝසි මහතා තරයේ කියාසිටියේය. එතැන් පටන් ඔහුට සිදුවූයේ අධිකරණ කාමරවල ඇති හඬවළක්‌වන වීදුරු කොටුවක වාඩි ගැනීමටය. මෝසි මහතාට විරුද්ධවචෝදනා ඉදිරිපත් කෙරෙන අතරවාරයේ මුස්‌ලිම් බ්‍රදර්හුඩ්සංවිධානයද බිඳහෙළීමට කටයුතු සිදුවිය. එම සංවිධානය අතුගා දැමීමටසිසි ජනාධිපතිතුමා පොරොන්දු දී ඇත. නඩු විභාගවල දේශපාලනිකපොළඹවීමක්‌ තිබුණ බවත් කුමන්ත්‍රණයට නීතිමය ආවරණයක්‌ දීමටකටයුතු කළ බවත් මෝසි මහතාගේ ආධාරකරුවන් පවසා තිබුණි. නිදහසටකරුණු කිරීමට සූදානම් වීමට මෝසි මහතාට ඇති අයිතිය යටින් බිඳදමා ඇති බව මිනිස්‌ අයිතිවාසිකම් ක්‍රියාකාරීන් පවසා තිබුණි.මේ වන විටත් ඉහළ මුස්‌ලිම් බ්‍රදර්හුඩ් සාමාජිකයින්කීපදෙනෙකුටම මරණ දඬුවම නියම වී ඇතත් තවමත් එය ක්‍රියාවේනොයෙදුණි. සියළුම මරණ දණ්‌ඩන නියම ක්‍රියාත්මක කිරීමට පෙරඊජිප්තුවේ ඉහළම ආගමික අධිකාරි වෙත යෑවිය යුතු වේ. වරදකරුකිරීමට එතුමාගේ අනුමැතිය ලැබුණත් එයට අභියාචනා කිරීමේ හැකියාවදපවතී. මෝසි මහතා සම්බන්ධයෙන් ඇති මරණ දණ්‌ඩනයද ක්‍රියාත්මකනොවණු ඇතැයි ප්‍රවීණයන් විශ්වාස කරයි.

සටහන :- අමිල නුවන් මධුසංඛ