එයා නැතිවුනාට මගෙත් එක්ක වැඩ කරන්න ඕනි තරම් නිළියො ඉන්නව

KLN.AC.LK

එයා නැතිවුනාට මගෙත් එක්ක වැඩ කරන්න  ඕනි තරම් නිළියො ඉන්නව

                                                                                      ආක්ෂය කුමාර්

කාලයක් තිස්සෙ බොලිවුඞ් වල රජ කරන ඛාන් පරම්පරාවට සෘජුවම අභියෝගයක් එල්ල කරන නළුවෙක් තමයි ආක්ෂය කුමාර් කියන්නෙ. පහුගිය කාලෙ වැඩියෙන්ම අය කරන නළුවන්ගෙ ලැයිසුතුවේ ඉහළින්ම හිටපු ආක්ෂයට අදටත් පේ‍්‍රක්‍ෂක ආකර්ශනය අඩු වෙලා නැහැ. ආක්ෂයගෙ දැන් වයස 48 ක්. මෙයා බැදල ඉන්නෙ ඒ කාලෙ ජනප‍්‍රිය නිළියක් වුණු ට්වින්කල් ඛන්නාව. ආක්ෂය රඟපාන චිත‍්‍රපට හැම එකක්ම වගේ බොක්ස් ඔෆීස් වාර්තා පිහිටුවන නිසා නිෂ්පාදකවරු එයාව තමන්ගෙ චිත‍්‍රපටය වෙනුවෙන් යොදාගන්න දෙපාරක් හිතන්නෙ නැහැ. නමස්තේ ලන්ඩන්, බූල් බුලෙයියා, සිංග් ඊස් කිංග් වගේම මේ වසරේ තිරගත වීමට නියමිත එයාර්ලිෆ්ට් චිත‍්‍රපටයෙනුත් ආක්ෂයගෙ දක්‍ෂතාවයන් අපිට දැකගත්ත පුළුවන්. ඇක්ෂන් කොමඩි චිත‍්‍රපටයක්නම් ඉතින් ආක්ෂය ඇරෙන්න වෙන කෙනෙක්ට ගැලපෙන්නෙ නැති තරම්. ඒ විතරක් නෙවෙයි. එයා නිතරම තමන්ගෙ සිරුර ලස්සනට ශක්තිමත්ව තියාගන්නත් ගොඩක් වෙහෙස වෙනව කියල තමයි පිටනම් ආරංචි. අලූත්ම චිත‍්‍රපටයේ පූර්ව ප‍්‍රචාරණයට එකතුවෙන අතරෙදී ආක්ෂයටත් දවසක් කරන්ගෙන් කෝපි කෝප්පයක් බොන්න ආරාධනාවක් ලැබුණ. අපි බලමු දෙන්නත් එක්ක මොනවද කතා කළේ කියල.

 

• දැන් ආක්ෂයගෙ කාලෙ ඉවරයි කියල හිතෙන්නෙ නැතිද...?

තාමනම් නැහැ. අපි පරිනත වෙන්න වෙන්න තමයි අත්දැකීම් වැඩි වෙන්නෙ. මගේ කාලෙ ඉවරයිනම් පේ‍්‍රක්‍ෂකයො වැල නොකැඞී මගේ චිත‍්‍රපට බලන්න එන්නෙ නැහැනෙ. අධ්‍යක්‍ෂකවරු මට චිත‍්‍රපට දෙන්න කැමති වෙන්නෙත් නැහැනෙ.

• ඇයි ඔබ කොමඩි චරිත වලට විතරක් කොටු වෙලා...

කොමඩි චරිතයක් කරනව කියන එකත් ලේසි වැඩක් නෙවෙයි. මිනිස්සු හිනස්සවන්නත් දක්‍ෂතාවය තියෙන්න  ඕනි. ඒක කොටු වීමක් නෙවෙයි. මම කොමඩි ඇතුලෙත් ලව් කරනව. ෆයිට් කරනව. හැගීම්බර වෙනව. මිනිස්සු මේ හැම දේටම කැමතියි.

• තාමත් හිතනවද ඛාන්ලට වඩා ඔබ බලවත් කියල...?

අනිවාර්යෙන්ම. මම ඛාන්ලට වඩා චිත‍්‍රපටයක් වෙනුවෙන් අය කරනව. වගේම මම කරන හැම චිත‍්‍රපටයක්ම ආදායම් වාර්ථා බිඳ හෙළනව. ඉතින් ඒකම මදි ද..? පරම්පරාවාදයට නෙවෙයි අද තැන තියෙන්නෙ දක්‍ෂතාවයටයි.

• කැත‍්‍රිනා එක්ක රඟනොපා ඉන්න හේතුව මොකක් ද...?

එයා නිළියක් විදිහට සාර්ථක වුනේ මගෙත් එක්ක වැඩ කරල. ඒ වුනත් එයා පෙම්වතා නිසා මගෙත් එක්ක රඟපාන එක මඟහැරිය. ඒත් ඒක මට ප‍්‍රශ්නයක් නෙවෙයි. අදටත් මගෙත් එක්ක රඟපාන්න නිළියන්  නිතරම් ඉන්නව. කැතී එක්ක මම ආයෙ කවදාවත් එකට වැඩ කරන එකක් නැහැ.

• රවීනා සහ ශිල්පා එක්ක තිබුණු පේ‍්‍රම සඹදතා දෙකම නතර කළේ ඔබ චපල නිසාද...?

  

  
  

අතීතයේ වැළලිලා ගිය දේවල් අපි ආයෙමත් මතක් නොකර ඉමු. ඒකෙන් වෙන්නෙ තුවාල ආයෙමත් පෑරෙන එක විතරයි. දැන් අපි හැමෝම අපේ ලෝකවල් වල සතුටින් ඉන්නව. ඒකනෙ වෙන්න  ඕනිත්.

• එකට වැඩ කරනකොට ඔබ කැපී පෙනෙන්න යනවලූ නේද...?

අනේ නැහැ. මම කවදාවත් කැපී පෙනෙන්න උත්සාහ කරල නැහැ. මට නිකම්ම  ඕනිම තැනකදි මුල් තැන ලැබෙනව. ඒක නිරායාසයෙන්ම වෙන දෙයක්. සමහර අය ඔයවගේ බොරු කතා පතුරවන්නෙ මගෙත් එක්ක තියන තරහවට.

• වැඩිපුර අය කරල චිත‍්‍රපටය අසාර්ථක එකක් වුනොත්...

ඒ අභියෝගය භාරගන්න මම සූදානම්. මට පේ‍්‍රක්‍ෂකයින් විශ්වාසයි. මම කරපු වැඬේ අසාර්ථකයිනම් අයකරපු මුදල ආපහු දෙන්නත් මම සූදානම්.

• ජිම් එකට යනකොට පුතාවත් එක්ක යනවලූ නේද...?

ඔව්.. ඒ කතාව ඇත්ත. නිරෝගීකම ගොඩක් වැදගත්. දරුවන්ටත් පුංචි කාලෙ ඉදන්ම නිරෝගීව ඉන්න අපි පුරුදු කරන්න  ඕනි. ඒක අපේ වගකීමක්. මම එළියට යන වෙලාවෙම පුතාවත් එක්කගෙන තමයි යන්නෙ.

• ජෝන් එක්ක ඔබ ගොඩක් හිතවත්...

අපි ගොඩක් හොද යාළුවො. ඒක ඇතිවුනේ ගරම් මසාලා චිත‍්‍රපටයත් එක්ක. ජෝන් කියන්නෙ උගත් බුද්ධිමත්, හිත හොඳ කොල්ලෙක්. ඒකයි මම එයාට කැමති.

• දරුවන්ව සිනමාවට සම්බන්ධ වෙනවට ඔබ කැමතියි ද...?

ඒක එයාලගෙ තීරණයක්. මම එයාලට හොදට උගන්නනව. ඒක තමයි මගේ වගකීම. එයාලට බොලිවුඞ් වලට එන්න පුලූවන්. ඒ වුනත්මම ඒකට උදව් කරන්නෙ නැහැ. එයාල දැනගන්න  ඕනි තනිවම නැගිටින්න.

• සම්මාන ගැන මොකද හිතන්නෙ...

ඒක තවත් එක විහිළුවක් විතරයි. මම ඒ ගැන හිතන්නෙම නැහැ. චිත‍්‍රපටයක් සාර්ථකවෙනවනම් සම්මාන මොකට ද..? ඒව නිර්මාණය කරන අය එයාලට කැමති අයටමයි සම්මාන දීගන්නෙත්.  ඕක එදත් එහෙමයි. අදත් එහෙමයි.

• ප‍්‍රීති, කාජල්, ශිල්පා අතරින් නැවත රඟපාන්න අවස්ථාවක් ලැබුනොත් කවුද තෝරගන්නෙ...

ප‍්‍රීති එක්ක වගේම ශිල්පා එක්කත් මම ගොඩක් වැඩ කරල තියෙනවා. නමුත් කාජල් එක්ක එහෙම නෑ. ඒ නිසා එයත් එක්ක වැඩ කරන්න කැමතියි.

• විශාල මුදලකට සඟරාවක නිරුවත් ජායාරූපයකට ආරාධනා කළොත්...

මම දැන් තාත්ත කෙනෙක්. ඒ දේ මට කොහොමටවත් කරන්න බැහැ. ප‍්‍රසිද්ධියෙ රෙදි ගලවල සල්ලි හම්බකරන්න තරම් ආක්ෂය තවම බංකොලොත් වෙලා නැහැ.

• ඛාන්ල ඉන්න චිත‍්‍රපටයක දුෂ්ඨ චරිතයක් ලැබුනොත්...

කවදාවත් භාරගන්නෙ නැහැ. බැල වැඩවලට සම්බන්ධ වෙන්න මගේ ඒතරම් කැමැත්තක් නැහැ. වෙන හේතුවක් නෙවෙයි.

• ජැකී චෑන්ට ගොඩක් කැමතියිලූ නේද...?

  

  
  

ඔව් එයා තමයි මගේ ප‍්‍රියතම නළුවා. මම එයාගේ සටන් ක‍්‍රම වලටත් ගොඩක් කැමතියි.

• මීලගට බොලිවුඞ්වල අයිකන් එකක් වෙන නිළිය කවුද...?

කිහිප දෙනෙක්ම ඉන්නවා. ශ‍්‍රද්ධා, පරිනීති, ජැකලීන් වගේ අය ඉදිරියේදී ලොකු වැඩක් කරයි කියල මම විශ්වාස කරනවා.

                                                              සටහන :- අමිල නුවන් මධුසංඛ

මගේ තේරීම සාර්ථකයි. සල්මන්ව ප‍්‍රතික්‍ෂේප කරපු එකෙන් පාඩුවක් වුනේ නැහැ.

kln.ac.lk

මගේ තේරීම සාර්ථකයි. සල්මන්ව ප‍්‍රතික්‍ෂේප කරපු එකෙන් පාඩුවක් වුනේ නැහැ. 

ක‍්‍රිතී සැනෝන්

කොයිතරම් අලූත් තාරකාවන් බොලිවුඞ්වලට පායල ආවත් පාරාදීසය ඇතුලෙ රජකම් කරන්න ලැබෙන්නෙ බොහොම ටික දෙනෙකුට පමනයි. ඒ වගේම තමයි තමන් රඟපෑ පළමු සිනමාපටයෙන්ම සම්මානයට පාත‍්‍ර වෙනව කියන එකත් ලේසි පහසු කාර්යයක් නෙවෙයි. ක‍්‍රිතී සැනෝන් කියන්නෙ කාලෙකට පස්සෙ බොලිවුඞ්වලට පායපු අන්න එ් වගේ වාසනාවක් තියන නිළියක්. අහිංසක දෑස්, සුන්දර සිනහව වගේම ආකර්ෂණීය කතාබහ තුලින් කාගෙත් නෙත් වශීකරවන ක‍්‍රිතී හැම වෙලාවෙම උත්සාහ කරන්නෙ සතුටින් ඉන්න. නෙනොක්කාඩින් කියන තෙළිගු චිත‍්‍රපටයෙන් සිනමාවට පිවිසුනු ක‍්‍රිතී හෙරෝ පන්තී චිත‍්‍රපටයෙන් බොලිවුඞ් වලට පය තිබ්බ. ආයෙමත් ඩෝචාව් කියන තෙළිඟු විත‍්‍රපටයට සම්බන්ධ වූ ක‍්‍රිතී ගැන මේ දවස්වල කවුරුත් කතා වෙන්නෙ රෝහිත් ෂෙට්ටිගේ දිල්වාලේ චිත‍්‍රපටය නිසා. නවක නිළියක් වූ ක‍්‍රිතීට මේක ලොකු අවස්ථාවක්. මේ නිසාම එයාට දැන් චිත‍්‍රපට රංගනයට ආරධනා ගලා එනව කියල තමයි අපට ආරංචි. එයත් දවසක රාහුල් ධාවන් එක්කම කරන් එක්ක කොෆි එකක් බොන්න ඇවිත් හිටිය. අපි බලමු මොනවද එයාල කොෆි බොන ගමන් කථා කළේ කියල...

ක‍්‍රිතී මේ දවස්වල සතුටින් ඉන්නව කියන්නෙ ඇත්තද...?

ඔව් කරන්. මම ගොඩක් සතුටින් ඉන්නෙ. නවක නිළියකට කලාතුරකින් ලැබෙන අවස්ථාවක් තමයි මට හිමිවෙලා තියෙන්නෙ. ඒ සතුට තමයි ඔයාටත් පේනව ඇත්තෙ.

කොහොමද..රාහුල්ගෙන් ලැබුණු සහයෝගය..?

ඒ ගැන කියන්න වචන නැහැ. ගීතමය දර්ශන වලදී මට රාහුල්ගෙන් ලොකු සහයෝගයක් ලැබුණ. මට හිතෙනව අපි දෙන්න තිරයේදී ගොඩක් හොදට ගැලපෙනවයි කියල. 

ශාරුක් එක්කයි කාජල් එක්කයි වැඩ කරන්න ලැබුණු එක...

සමහරු අහනව ඇයි මම මේ දවස්වල පුදුමයෙන් වගේ ඉන්නෙ කියල. සමහරවිට ඒකත් එක හේතුවක් වෙන්න පුළුවන්. ඒ දෙන්න මේ ක්‍ෂේත‍්‍රයේ ගොඩක් අත්දැකීම් තියන අය. අනිත් එක නවකයින් කියල අපිට කිසිම වෙනසක් කළේ නැහැ.

ඔබේ උස ප‍්‍රශ්නයක් වුණු අවස්ථා නැතිද..?

නැත්තෙමත් නැහැ. පාසැලේදිනම් මම ගොඩක් අපහසුතාවට පත්වුනා. ඒත් දැන්නම් මම හිතන්නෙ උස කියන දේ මට ආභරණයක් කියල. මේ මට දෙවියන්ගෙන් ලැබුණු උරුමයක්. 

සල්මන් ඛාන් එක්ක රඟපාන්න ලැබුණු අවස්ථාව ප‍්‍රතික්‍ෂේප කළේ ඇයි..?

එ්ක කළේකැමැත්තකින් නෙවෙයි. චිත‍්‍රපට දෙකේම රූගත කිරීම් වැටුනෙ එකම දවස්වල. මට සිද්ධවුනා එක තීරණයක් ගන්න. මගේ තීරණය වුනේ දිල්වාලේ. ඒ තේරීම අද සාර්ථක වෙලා තියෙනවා. මට දුකක් නැහැ. සල්මන් එක්ක මට කිසිම අමනාපයකතුත් නැහැ.

සරාගී චරිතයක් ප‍්‍රතික්‍ෂේප කළේ ඇයි..?

මම බොලිවුඞ්වලට ආවෙ ගෙදර අයගෙ කැමැත්තෙන් නෙමෙයි. තාත්ත මට කොන්දේසියක් දාලයි තියෙන්නෙ එහෙම චරිත කරන්න එපා කියල. නමුත් චරිතයකට අවශ්‍යමනම් සරාගී රංගනයකට මම ලැහැස්තියි. නමුත් සම්පූර්ණයෙන්ම සිරුර නිරාවරණය වූ චරිත කරන්නනම් කැමැත්තක් නැහැ. 

නිතරම රාත‍්‍රී සාද වලට යනවලූ නේද...?

මම යන්නෙ මගේ යාලූවොත් එක්ක. රූගත කිරීම් එක්ක දවල් කාලයේ එයාල එක්ක ඉන්න ලැබෙන්නෙ නැහැ. රූට තමයි නිදහසක් ලැබෙන්නෙ. සතියකට සැරයක්වත් මම පාටි එකකට යනවමයි. පාර්ටිවල ඩාන්ස් කරන්න මම ගොඩක් කැමතියි. 

කවුරු වගේ වෙන්නද කමති...

මට මගේම අනන්‍යතාවක් තියෙනව. ඉතින් ඇයි මම කවුරුත් වගේ වෙන්නෙ. පේ‍්‍රක්‍ෂකයන්ට  ඕනි ක‍්‍රිතී කොනක් මිසක් වෙනත් කෙනෙකුගේ රූකඩයක් නෙමෙයි.

ටයිගර් එක්ක ප‍්‍රශ්නයක් ඇතිකරගත්ත කියන්නෙ ඇත්ත  ද...?

අයියෝ.. ඒක මොන බොරු කතාවක් ද...? අපි හොද යාලූවො. සාමාන්‍ය ජීවිතයේ අපි හොද මිතුරන්. කා එක්කවත් ප‍්‍රශ්න ඇතිකරගන්න මම කැමති නැහැ. 

ප‍්‍රසිද්ධ ව්‍යාපාරිකයෙක් එක්ක ඔයාගෙ සම්බන්ධයක් තියනවයි කියන්නෙ ඇත්තක්ද..?

තවමනම් මට පෙම්වතෙක් නැහැ. එහෙම හිටියත් මම ඒ දේවල් මාධ්‍ය ඉදිරියේ කියන්න සූදානමකුත් නැහැ. පෞද්ගලිකත්වය රහසක් හැටියට තියනවනම් තමයි මම කැමති. 

තෙළිගු චිත‍්‍රපට වලට ගොඩක් කැමතියි වගේ නේද..?

මම පටන් ගත්තෙ එතනින්. මගේ ගොඩක් යාලූවො ඉන්නෙත් තෙළිඟු සිනමාවෙ. ඒ නිසා මට මුල අමතක කරන්න බැහැ. මට බොලිවුඞ්වල කොයිතරම් ජනප‍්‍රියත්වයක් හිමිවුනත් හැමදාමත් ඉල්ලූම තියනකන් තෙළිඟු සිනමාවෙන් මාව දැකගන්න පුළුවන්. 

ඇදුම් වලට ගොඩක් වියදම් කරනව කියන්නෙ ඇත්තද...?

ලස්සනට ඉන්න කවුද අකමැති. මගේ සල්ලි මම ගොඩක් වියදම් කරන්නෙ ඇදුම් වලටයි මේක්අප් වලටයි තමයි. අනික ගෑනු ළමයෙක්ට වෙන වියදමකුත් නැහැනෙ. මම ඇඳුමක් ගන්න හැම අවස්ථාවකම නංගිටත් ඇදුමක් අරන් දෙනව. 

කරීනා, ප‍්‍රියංකා, ආලියා අතරින් වඩාත් දක්‍ෂ කෙනා කවුද...?

මම හිතනව කරීනා අත්දැකීම් අතින් ඉදිරියෙන් ඉන්නව කියල. රංගනය පැත්තෙනුත් එයා අනිත් දෙන්නටම වඩා ඉදිරියෙන් තමයි ඉන්නෙ.

රන්වීර්, ටයිගර්, රාහුල් අතරින් කවුරුහරි විවාහ කරගන්න ලැබුනොත්...?

අම්මෝ මම කවදාවත් නළුවෙක් බඳින එකක් නැහැ. ඒක නිසා ඔය ප‍්‍රශ්නෙට මට උත්තරයක් දෙන්න විදිහක් නැහැ. හැබැයි මම කැමතියි රන්වීර් වගේ තරුණයෙක්ට. ඒ වගේ කෙනෙක් මගේ සැමියා වෙනවනම් මම කැමතියි. හැබැයි ඒ රන්වීර්නම් නෙමෙයි. 

සටහන :- අමිල නුවන් මධුසංඛ

හැම ෆිල්ම් එකකම සෙක්ස් සීන් එකක් තියනවනම් හොදයි. නැත්නම් ගතියක් නෑ

හැම ෆිල්ම් එකකම සෙක්ස් සීන් එකක් තියනවනම් හොදයි. නැත්නම් ගතියක් නෑ

ටොම් කෲස්

අපි හැමෝම කැමතියි සතුටින් ඉන්න. ජිවිතේ වෙනස් කරගන්න. දවසින් දවස අලූත් වෙන ලෝකෙ අපි විතරක් ඇයි වෙනස් නොවී ඉන්නෙ. ඔන්න අපිත් හිතුව ඔයාලගේ රසවින්දනය ඇතුලෙ පුංචි වෙනසක් කරන්න  ඕනි කියල. ඇත්තටම ඔයාල ඒ වෙනසට ගොඩක් කැමති වේවි. බොලිවුඞ් කොලිවුඞ් සිහින තාරකාවන්ගෙ ජිවන කතන්දර ආදරෙන් රසවිඳපු ඔයාලට හොලිවුඞ් පැත්තෙ සිද්ධවෙන දේවල් ගැනත් කියන්න  ඕනි කියල අපි හිතුවෙ අන්න ඒ නිසයි. හොලිවුඞ් ඇක්ෂන් චිත‍්‍රපටි වලට වගේම රොමෑන්ටික් කොමඩි චිත‍්‍රපටිවලටත් පිස්සු වැටිල ඉන්න අපේ තාරුණ්‍යය හරිම කැමතියි ඒවයෙ ඉන්න සුපිරි වීරයන්ගෙ වීරවරියන්ගෙ සැබෑ ජිවිතේ කොහොමද ගෙවෙන්නෙ කියල දැනගන්න. ඒක නිසයි අපි ඉස්ඉස්සෙල්ලාම මේ දවස් වල හොලිවුඞ් වල අංක එකේ ඉන්න නළුවෙක්ව ඔයාල ගාවට අරගෙන එන්නෙ. ඒ වෙන කවුරුවත්ම නෙවෙයි. ඔයාල ගොඩක් ආදරේ කරන සුපිරි වීරයා නැත්නම් ස්ටන්ට් වීරයා ටොම්... ටොම් කෲස්...එහෙනම් අපි යමු හොලිවුඞ් පැත්තෙ පුංචි සවාරියක්.

ඇත්තටම අපි මේ සුපිරි නළුවට ටොම් කෲස් කියල කතා කලත් මෙයාගෙ ඇත්ත නම තෝමස් කෲස්. සිනමාවට ආවට පස්සෙ තමයි මෙයාගෙ නම ටොම් කෲස් වුනේ. තවමත් තරුණ තරුණියන්ගෙ ආකර්ශනය අඩුවක් නැතිව ලබාගන්න ටොම්ගෙ වයස මේ වෙනකොට 53 ක්. පුදුමයි නේද ? ඔව් එයා ඉපදිලා තියෙන්නෙ 1962 අවුරුද්දෙ ඇමරිකාවෙ නිව්යෝර්ක් වල. සහෝදරියන් තුන්දෙනෙක්ගෙ බාල සහෝදරය වුණු අපේ මේ වීරය ඉගෙන ගන්නත් ගොඩක් දක්‍ෂ කෙනෙක් කියලයි එයා ඉගෙනගත්තු පාසැල් වල ගුරුවරුනම් කියන්නෙ. ටොම්ගෙ සීයට තමයි ටොම්ව නළුවෙක් කරන්න  ඕනි වුනේ. ඒක නිසයි ටොම්ට යන්තම් වයස 19 ක් වෙනකොට චිත‍්‍රපටියක රඟපාන්න යන්න ගෙදරින් අවසර ලැබෙන්නෙ. මුල් කාලෙ ටොම්ට ලැබුනෙ පුංචි පුංචි සහායක චරිත විතරයි. එයාගෙ පළමු රංගනයන් ඇතුලත් වූ එන්ඞ්ලස් ලව්, ටේප්, ද අවුට්සයිඩර් කියන චිත‍්‍රපට තුනේම ටොම් රගපාන්නෙ සහායක චරිත. ටොම් පුධාන චරිත රංගනයට එක්වෙන්නෙ රිස්කි බිස්නස් චිත‍්‍රපටියෙන් පස්සෙ. ඊට පස්සෙ කරපු ටොප් ගන්, කලර් ඔෆ් මනී, කොක්ටේල්, රේන් මෑන්, ලෙජන්ඞ්, ද ලාස්ට් සැමුරායි, මැග්නොලියා, අ ෆියු ගුඞ් මෑන්, වැනිලා ස්කයි, වෝ ඔෆ් ද වර්ල්ඞ්, නයිට් ඇන්ඞ් ඬේ වගේම එඞ්ගා ඔෆ් ටුමාරෝ කියන හැම චිත‍්‍රපටයකම වගේ ටොම් කළේ ප‍්‍රධාන චරිත. 

ටොම්ව අපේ පරම්පරාව ඇතුලෙ මහා වීරයෙක් කළේ කාලෙන් කාලෙට අලූත් වෙන අපි තවමත් ආදරේ කරන මිෂන් ඉම්පොසිබල් චිත‍්‍රපට මාලාවේ ඊතන් හන්ට්ගේ චරිතය කියල කවුරුත් දන්නව. 1996 ඉදන් 2015 වෙනකන් කොටස් හතරක් එළිදක්වපු මේ චිත‍්‍රපට මාලාවේ ඊලග කොටසත් ලගදීම අපිට දැකගන්න පුලූවන්. ඒ මිෂන් ඉම්පොසිබල් රෝ්ජ් නේෂන් චිත‍්‍රපටිය. මේ වෙනකොට හොලිවුඞ්වල ටොම්ගෙ රසික රසිකාවියන් ඉවසිල්ලක් නැතිව මග බලාන ඉන්නෙ මේ චිත‍්‍රපටිය තිරගත වෙනකන්. ටොම් එක්ක වැඩ කරන්න කිසිම නිෂ්පාදකවරයෙක්් දෙපාරක් හිතන්නෙ නෑ. මොකද එයාල දන්නව අපේ වීරය කරන හැම වැඩක්ම සුපර් හිට් එකක් වෙනව කියල. එයා මේ වෙනකොට ලෝක වාර්තාවකුත් තියලයි තියෙන්නෙ. ඒ වෙන මුකුත් නිසා නෙවෙයි. තමන් රඟපාපු හැම චිත‍්‍රපටියකින්ම ඇමරිකානු ඩොලර් මිලියන 300-600 පාස් කරමින් මුදල් ඉපැයීම සම්බන්ධයෙන්. මේ දවස්වල වැඩිම මුදලක් අයකරන නළුව වගේම පෝසත්ම නළුවන් අතර තෙවනි තැන හිමිකර ගන්නත් ටොම්ට පුළුවන් වෙලා තියනව.

 ජනප‍්‍රියත්වයේ කොයිතරම් ඉහළින් හිටියත් ටොම් කියන්නෙත් අපි වගේම සාමාන්‍ය කෙනෙක් කියල හිතෙන වෙලාවල් නැතුවමත් නෙවෙයි.  ඕනම කෙනෙක්ගෙ ජිවිත ඇතුලෙ කුණු තියනවනෙ. ටොම්ගෙත් ඒ වගේ පැත්තක් තියනව. එයාගෙ විවාහ ජිවිතේනම් ඒ තරම් සාර්තක එකක් කියල කියන්න අමාරුයි. ළමයි තුන් දෙනෙක්ගෙ තාත්ත කෙනෙක් වුනත් ටොම් මේ වෙනකොට කාන්තාවන් තුන්දෙනෙක් එක්ක විවාහ වෙලා තියනව. එයා මුලින්ම කසාද බැන්දෙ මිමී රොජර්ව. ඒ කසාදෙ තිබුනෙ අවුරුදු තුනක් විතරයි. මිමීගෙන් වෙන් වුනු ටොම් ඊලගට නැවතුනේ එයාගෙ චිත‍්‍රපටයක සහාය නිළියක් වුනු නිකොලේ කිඞ්මෑන් ගාව. වසර එකොලහක විතර විවාහ ජිවිතයකින් පස්සෙ ඒ දීගෙත් කෙළවර කරපු ටොම් වසර කිහිපයක් තනිවම ඉදල 2011 අවුරුද්දෙ කැතී හෝම්ස් එක්ක පැටලූනා. තාමත් ටොම් ඉන්නෙ කැතී එක්ක තමයි. ඒ වුනත් අලූත් නිළියොත් එක්ක ටොම්ගෙ පොඩි පොඩි පටලැවිලි නැතුවමත් නොවෙයි. ඒත් කැතී ඒ දේවල් මායිම් කරන්නෙ නැති කෙනෙක්. ඒක නිසා ටොම් තාමත් කුරුල්ලෙක් වගේලූ ඉන්නෙ. 

තමන් කරන වැඩ ගැනනම් ටොම් ගොඩක් සැළකිළිමත් වෙන කෙනෙක්. එයාගෙ චිත‍්‍රපටි වල කොයි තරම් අමාරු දර්ශනයක් තිබුනත් කිසිම ආදේශක නළුවෙක් යොදාගන්නවට ටොම් චුට්ටක්වත් කැමති නෑ. එයාට  ඕනි පේ‍්‍රක්‍ෂකයන්ට දැනෙන යමක් කරන්න. එයාගෙ අලූත්ම චිත‍්‍රපටයෙ ස්ටන්ට් දර්ශනයක් සඳහා පෙනී ඉදල පූර්ව පුචාරක කටයුතු වලට එකතුවුණු ටොම් මාධ්‍ය ඉදිරියෙ මෙන්න මෙහෙම කතාවක් කියල තිබුණ.

”කලින් දවසෙ ? මට නින්ද ගියෙත් නෑ. අද මගෙ අතින් මොනව හරි වරදක් වුනානම්, ඔක්කෙම ඉවරයි. ගුවන්යානය පහලට ගේනකන් මට ඇතුලට යන්න පුලූවන්කමකුත් නෑ. ඒත් මම මේ වගේ බයානක වැඩ වලට හරි කැමතියි” 

තමන් කරන වැඬේ ගැන ටොම්ට තියන කැපවීම කොයි තරම්ද කියල ඒකෙන්ම තේරෙනව. මෙයා ආගම දහම  පැත්තටත් ටිකක් බර කෙනෙක්. රෝමානු කතෝලික දහම ඇදහුවත් ටොම් සයන්ටලොජි කියන ධර්මයත් එක්ක ලොකු බැඳීමක් තියනව. මේ දවස් වල ඒ ගැන ප‍්‍රසිද්ධියෙ වාද කරන්නත් ටොම් පුරුදු වෙලා කියලයි දැනගන්න ලැබෙන්නෙ. ටොම් කොයි තරම් දක්‍ෂ නළුවෙක් වුනත් කිසිම ආඩම්බරකමක් නම් ගෑවිලාවත් නෑ. ට්විටර් අඩවියෙන් වගේම ෆේස්බුක් අඩවියෙනුත් තමන්ගෙ රසික රසිකාවියන් වෙනුවෙන් පණිවුඩයක් තියන්නත් එවන පණුවුඩ වලට පිළිතුරක් දෙන්නත් එයා අමතක කරන්නෙ නැහැ.  මිෂන් ඉම්පොසිබල් රෝජ් නේෂන් චිත‍්‍රපටයෙ එයා ඇඳපු කෝට් එකක් ඇමරිකානු ඩොලර් බර ගාණකට විකුණන්න තියනවයි කියලත් පණුවුඩයක් එයාගෙ ෆේස් බුක් පිටුවෙ දැකගන්න ලැබුන. ඒ ගැන සැකයක් තියනවනම් ඔයාලම ටිකක් හොයල බලන්නකො ඇත්ත නැත්ත මොකක් ද කියල. 

ගොඩක් වෙලාවට ටොම් එයත් එක්ක ප‍්‍රධාන චරිතය රඟපාන නිළියත් එක්ක ? කෑමකට යන එක පුරුද්දක් කරගෙනයි ඉන්නෙ. එ්ත් මේක දැන් ප‍්‍රසිද්ධ රහසක් වෙලා ඉවරයි. ටොම්නම් ඒ ගැන කිසිම දෙයක් මාධ්‍ය එක්ක කතා කරන්නෙ නැහැ. එයාගෙ පෞද්ගලිකත්වයට අත දානවට එයා කැමති නැතිව ඇති. මොනව වුනත් පේ‍්‍රක්‍ෂකයො ටොම්ට ගොඩක් ආදරෙයි. එයාගෙ ේජැඉදදන පිටුවෙ හැම තැනකම පේ‍්‍රක්‍ෂකයන් එවපු සුභපැතුම් වලින් පිරිල ඉතිරිලා ගිහින්. සම්මාන බලාගෙන රඟපෑවෙ නැතත් ටොම්ගෙ දක්‍ෂකම් වලට එයාට නියම තැන දෙන්න විචාරකයො දන්නව. මේ වෙනකොට ටොම් හොදම නළුවා, හොදම සහාය නළුවා වගේම දක්‍ෂතම සටන් නළුවා, ජනතාවගේ නළුවා වගේ තවත් බොහෝ අංශ වලින් ගෝල්ඩන් ගේල්බ් සම්මාන කිහිපයක්ම දිනාගෙන තියෙනව. 

මේ තරම් වයසට ගියත් තරුණයෙක් වගේ ඉන්නෙ කොහොමද කියල මාධ්‍යවේදීන් අහන ප‍්‍රශ්න වලට ටොම් දෙන්නෙ බොහොම සරල උත්තරයක්. ඒ සතුටින් ඉන්න කියල විතරයි. ඒ වුනත් එයා ආහාර ගැන සැළකිලිමත් වෙමින් ශරීර සුවතාවය වෙනුවෙන් ජිම් එකට යනව කියල ගොඩක් අය දන්නව. රඟපාන හැම චිත‍්‍රපටියකම ලිංගික දර්ශනයක් තියනවනම් තමන් කැමතියි කියල ටොම් මාධ්‍ය සාකච්ජා කිහිපයකදිම කියල තියෙනව. එහෙම දර්ශන අද චිත‍්‍රපට වලට නැතිවම බැහැ කියලයි ටොම් කියන්නෙ. ඒ මොනා වුනත් ලගදීම දවසක ඔයාල ගොඩක් ආදරේ කරන නළුව ඔයාලට සුපිරි වීරයෙක් විදිහට තිරයෙන් දැකගන්න ලැබෙයි. ඒ මිෂන් ඉම්පොසිබල් පස්වන කොටස ඔස්සේ. එදාට අදටත් වඩා ටොම්ට ඔයාල ආදරේ කරන බව මට ගොඩක් විශ්වාසයි. 

සටහන :- අමිල නුවන් මධුසංඛ

අමීෂ ගැන කතාකරන්නවත් මම කැමති නෑ...

kln.ac.lk

අමීෂ ගැන කතාකරන්නවත් මම කැමති නෑ...

කරීනා කපූර්

පාට පාට දේදුන්නක් වගේ හැඩට තියෙන බොලිවුඞ් පුරවරයට අලූත් අලූත් මුහුණු නිතරම පායනව. ඒ වුනත් කාලාන්තරයක් තිස්සෙ බොලිවුඞ් අහසෙ රජ කරන වල්ගා තරු වලටනම් අභියෝග කරන්න ඒ කාටවත්ම බැහැ. ඒ වගේ පවුල් උරුමයෙන් සිනමාවට පායපු බොහෝමයක් තරු දිනෙන් දින ආලෝකමත් වෙන හැටි අපිට දකින්න පුලූවන්. කරීනා කපූර් කියන්නෙත් අන්න ඒ වගේ චරිතයක්. සාම්ප‍්‍රධායික සීමාවන් අතික‍්‍රමණය කරල ආපු කෙල්ලෙක් විදිහට එයා ගොඩක් ස්වාධීනයි. ලේ උරුමයෙන් ලැබුණු හැකියාවන් ඔපමට්ටම් කරගත්තු කරීනා අද බොලිවුඞ් වලට නැතිවම බැරි චරිතයක් වෙලා. ජිනා සර්ෆ මේරේ ලියේ චිත‍්‍රපටයෙන් බොලිවුඞ් ගමන් ආරම්භ කරපු කරීනා අශෝක්, කභි කුෂි කභි ගම්, ක්‍යූන් කී,  ඕම්කාරා, බොඩිගාඞ්, චාන්දනී චොක්ටු චයිනා, හෙරෝයින්, ත‍්‍රී ඉඩියට්, වී ආ ෆැමිලි, චුප් චුප් කේ, රාවන්, ඒජන්ට් විනෝද් වගේ ගොඩක් චිත‍්‍රපටි වල මතක හිටින චරිත රැුසක්ම රඟපාල තියෙනව. මේ දවස්වල බොලිවුඞ් වල ෆැෂන් අයිකන් එකක් වෙලා ඉන්න කරීනටත් දවසක් කරන්ගෙන් කෝපි කෝප්පයක් බොන්න ආරාධනාවක් ලැබුණ. අපි බලමු මොනවද කරන් කරීනගෙන් ඇහැව්වෙ කියල...

කරීනා කපූර් කියන්න ද කරීනා කපූර් ඛාන් කියන්න ද... ?

කොහොම කතාකරත් එකයිනෙ. ඒ නම් දෙකම දැන් මගේම තමයි. ඒ වුනත් දැන් හැමෝම මට කතා කරන්නෙ කරීනා කපූර් ඛාන් කියල. ඔයා මගෙ යාලූවෙක්නෙ. කැමති විදිහකට කතාකරන්න. 

විවාහයෙන් පස්සෙ සිනමාව අමතක වෙලා යයි ද... ? 

කොහෙත්ම නැහැ. සිනමාවෙන් ඈත්වෙලා මට ජිවත් වෙන්න  අමාරුයි. සිනමාව කියන්නෙ මගේ ජිවිතේ වගේ. ඉතින් කොහොමද මම ගෙදරට වෙලා ඉන්නෙ. ඒක මට කරන්න බහැ. ඒක නිසා දැවැන්ත නිර්මාණ කිහිපයකටම මම පසුගිය දවස්වල සම්බන්ධ වුනා. තවත් කිහිපයකම ගිවිසුම් අත්සන් කලා. 

සාහිෆ් වෙනුවෙන් ඉක්මනට දරුවෙක් හදල දෙන්න කැමති නැතිද...?

ඇයි නැත්තෙ. ඒක මගේ ලොකුම ලොකු හීනයක්. ඒත් දැන්මනම් ඒකට කල් වැඩියි. මොකද මම මේ දවස් වල ටිකක් කාර්යබහුලයි. සුදුසු කාලෙදි මම දරුවෙක් හදනව. හොද නිළියක් වුනා වගේම හොද අම්ම කෙනෙක් වෙන්නත්  ඕනි. ඒත් සායිෆ් මට කිසිම බලපෑමක් කරන්නෙ නැහ ඒ සම්බන්ධයෙන්.

ශහීඞ් කපූර් එක්ක ආයෙ රඟපාන්න කැමැත්තක් නෑ වගේ...

අපෝ එහෙම දෙයක් නැහැ. එයත් එක්ක රඟපාන්න මම ගොඩක් කැමැත්තෙන් ඉන්නෙ. ශාහිඞ් ගොඩක් හොද නළුවෙක් වගේම දක්‍ෂයෙක්. ඉස්සර තිබුණු ප‍්‍රශ්න දැන් නැහැනෙ. හොද අවස්ථාවක් ලැබුනොත් මම අනිවාර්යෙන්ම කැමති වෙනව.

ඛාන් නළුවොත් එක්ක රඟපාන්න ඔය තරම් කැමති ද...?

එහෙම විශේෂත්වයක් නෑ. මට ගැලපෙන  ඕනිම කෙනෙක් එක්ක රඟපාන්න මම ලෑස්තියි. ඒත් වාසනාවකටද කොහෙද මට වැඩිපුර රඟපාන්න ලැබෙන්නෙ ඛාන් නළුවොත් එක්ක. ශාරුක් සල්මන් අමීර් එක්ක එකම කාලෙ මම රාවන් ඩබන්ග් සහ ත‍්‍රී ඉඩියට් වල වැඩ කළා. ඒක මගේ දක්‍ෂතාවය පෙන්වන්නත් අවස්ථාවකුත් වුනා. 

අමීෂා පටෙල් එක්ක ඔය තරම්ම තරහ ඇයි...?

මොන පිස්සු ද..? තරහ වෙන්න අපි අතර විශේෂ සම්බන්දයක් තිබුනෙත් නැහැනෙ. අනික ඇත්තටම අමීෂ මට ඒ තරම් වැදගත් කෙනෙක් නෙවෙයි. එයා ඉන්න තැනයි මම ඉන්න තැනයි ගොඩක් වෙනස්. අපි ඒ ගැන කතා නොකර ඉමු. ඒක ගොඩක් හොදයි. මොකටද නිකන් ප‍්‍රශ්න දාගන්නෙ.

සායිෆ්ගෙ දරුවන්ට ඔබ ගොඩක් කිට්ටුයිලූ නේද...?

ඔව්. ඒක ඇත්ත. සායිෆ්ගෙ දරුවො කියන්නෙ මගෙත් දරුවො වගේ. එයාල මට බොහොම එකතුයි. ගොඩක් ආදරෙයි. ඉතින් දැන් මම එයාලගෙ දෙවනි අම්ම වගේ තමයි. ඒක වරදක් නෙවෙයි නේද කරන්..?

නව පරපුරේ නිළියන් ඔබට අභියෝගයක් නෙවෙයි ද...?

මම ගැන අධිතක්සේරුවෙන් කතාකරන්න මම කැමති නෑ. ඇත්තටම අලූත් අය දක්‍ෂයි තමයි. ඒත් එයාල මට අභියෝගයක් නෙවෙයි. එකිනෙකාට තියෙන්නෙ වෙනස් හැකියාවන්. තවමත් අධ්‍යක්‍ෂකවරු මාව හොයාගෙන එනව. ඒ කියන්නෙ කරීනට තවම ඉල්ලූම තියනව කියන එකනෙ. 

ඔබේ නැන්දම්ම සැරයි කියන්නෙ ඇත්ත ද...?

අනේ නැහැ. ඇය හරිම කරුණාවන්ත කාන්තාවක්. හරියට මගේ අම්ම වගේ. අම්මගෙ අඩුව මට දැනෙන්නෙ නෑ එයා ලග ඉන්න කොට. අපි අතරෙ තියෙන්නෙ පුදුමාකාර බැඳීමක්. ඇත්තමයි.

අක්කගේ ජිවිතේ පිළිවෙලක් කරන්න ඔබට බැරිවුනා...

මම ඒ දේ කොහොමහරි කරනව. ඒක මගෙ යුතුකමක්. එයාගෙ ළමයි වෙනුවෙන් හරි මම ඒ දෙන්නව ආෙයෙමත් එකතු කරනව. අපි හැමෝම මිනිස්සු. ඉන්න කාලෙ සතුටින් ඉන්න  ඕනි. අක්කගේ සතුට ගැන මම නිතරම හිතනව. එයාගෙ ජිවිතේ අපිළිවෙල නෑ. එයා සතුටින් ඉන්නෙ. එක දෙයක් ඇරෙන්න.

රන්බීර් කපූර් ගැන මොකද හිතන්නෙ...?

මට හරිම සතුටුයි. රන්බීර් මල්ලි කපූර් පරම්පරාව ඉස්සරහටම අරගෙන යයි. ආයෙ කතා දෙකක් නෑ. අපි අපිට පුළුවන් දේ කළා. ඉතිරි ටික එයාගෙ අතේ තියෙන්නෙ. මම හරිම කැමතියි එයත් එක්ක වැඩ කරන්න. එයා ඉක්මනින්ම ලොකු ගමනක් යනව. ඇත්තටම එයා ගොඩක් දක්‍ෂ කොල්ලෙක්.

අනෙක් නළුවන් එක්ක බලද්දි සායිෆ් ජනප‍්‍රිය නෑ කීවොත්...

ඒක ලොකු විහිළුවක්. එයාට පේ‍්‍රක්‍ෂකයො ගොඩක් ආදරෙයි. ඒක මම  ඕනි තරම් දැකල තියෙනව. ජනප‍්‍රියත්වය කියන්නෙ සාපේක්‍ෂ දෙයක්. එකිනෙකාට වෙනස් වෙන්න පුළුවන්. ඒත් සායිෆ් ජනප‍්‍රිය නැතිනම් එයාට පැවැත්මක් නැහැනෙ. ඔය කතාව මම විශ්වාස කරන්නෙ නැහැ.

සටහන:- අමිල නුවන් මධුසංඛ

ඇත්ත දන්නෙ මම විතරයි. කවුරුවත් නිවැරදි කරන්න මට වුවමනාවක් නෑ...

kln.ac.lk
ඇත්ත දන්නෙ මම විතරයි. කවුරුවත් නිවැරදි කරන්න මට වුවමනාවක් නෑ...

එමා වොට්සන් 

තාරුණ්‍යය නියෝජනය කරන හොලිවුඞ් ලෝකයේ එමා වොට්සන් කියන්නෙ මේ දවස් වල ලොකු ඉල්ලූමක් තියෙන හැඩකාර කෙල්ලෙක්. ලංකාවෙ කිසිම කෙනෙක්ට එමාව නුපුරුදු චරිතයක් නම් වෙන්න බැහැ. මොකද කිව්වොත්  ඕනිම පුංචි දරුවෙක් පවා එයාව හොදට අදුනනව. ඒ හැරී පෝටර් චිත‍්‍රපට මාලාවේ එන හමයිනී ගේ‍්‍රන්ජර් කියන චරිතය නිසා. ඒ දවස්වල එමා පුංචි කෙල්ලෙක් වුනාට දැන් එයා තාරුණ්‍යයේ හිනිපෙත්තෙමයි ඉන්නෙ. එමාට ඇත්තටම වයස අවුරුදු 25 යි. ඒ වයසට කිසිම කෙල්ලෙකුට ලබාගන්න නොහැකි ගොඩක් දේවල් තමන්ගෙ ජිවිතේට එකතුකරගන්න එයාට හැකිවෙලා තියෙනව. 

හැරී පෝටර් චිත‍්‍රපට මාලාවේ සමස්ත චිත‍්‍රපට 8 ක් වෙනුවෙන් තමන්ගෙ රංගන කුසලතාවන් එකතු කරපු එමා සිනමාවට පිවිසුනේ 2001 වසරේදී. ඊට අමතරව එමා මයි වීක් විත් ම දිස් ඊස් ද එන්ඞ් කියන චිත‍්‍රපට වලත් සුපිරි රංගනයන් ඉදිරිපත් කළා. තරුණ කෙල්ලෙක් හොලිවුඞ් වලට ආවට පස්සෙ කටකතා වලින් ගැලවෙන එකනම් ඒ තරම් ලේසි දෙයක් නෙවෙයි. එමාටත් වුනේ ඒකම තමයි. එයාගෙ නමත් එක්ක මුලින්ම පැටලූනේ හැරී පෝටර් චිත‍්‍රපට මාලාවේ පෝටර්ගේ චරිතය රඟපාපු ඩැනියෙල්  එක්ක. ඒ විතරක් නෙවෙයි රූපට් ග‍්‍රිනිට් එක්කත් එමාගෙ සම්බන්ධයක් තියනව කියලයි ඒ දවස් වල කටකතා පැතිරුනේ. ඒ කතාවනම් බොරුවක් නෙවෙයි කියල මෑතක් වෙනකම්ම අපිට දැකගන්න පුළුවන් වුනා. පස්සෙ කාලෙක එමා තමන්ගෙ කැම්පස් එකේ ලස්සනම කොල්ලෙක් එක්ක සම්බන්ධ වුනා. ඒ විල් ඇඩම් වයිස්. වැඩි කාලයක් නොතිබුණු මේ සම්බන්ධය කෙළවර වුනේ කැම්පස් එකේම රග්බි ක‍්‍රීඩකයෙක් වන මැට් ජෙනී එක්ක සම්බන්ධ වුනායින් පස්සෙයි.

මොනව වුනත් එමා කියන්නෙ හොදට ඉගෙනගත්තු තරුණ කෙල්ලෙක්. ඒ අතින් එමා මුළු ලෝකෙටම ආදර්ශයක් දෙනව. එයා කිසිම වෙලාවක තමන් ගැන විතරක් හිතල කටයුතු කළේ නෑ. තරුණ වයසෙ හිටියත් එමා එක්සත් ජාතීන්ගේ මහ සමුළුවක් ඇතුලෙ කතා කරන්නත් වාසනාව ලබපු කෙනෙක්. කාන්තා අයිතිවාසිකම්, කාන්තා ලිංගික සූරාකෑම්, ලිංගික සුරක්‍ෂිතභාවය ගැන මුළු ලෝකෙටම ඇහෙන්න කතා කරන්නත් එමාට පුළුවන් වුනා. එමා කියන්නෙ නිළියක් විතරක්ම නෙවෙයි. එයා දක්‍ෂ නිරූපිකාවක්. ප්ලේ බෝයි සඟරාවෙ විතරක් නෙවෙයි සුප‍්‍රසිද්ධ ෆැෂන් සඟරා වලත් එමාගෙ රුව නිතර දකින්න පුළුවන්. පහුගිය කාලෙ එමා වොට්සන් අන්තර්ජාලය තුළ පුවත් මවන්නියක් වෙලා හිටිය. ඒ වෙන දෙයක් නිසා නෙවෙයි. එයාගෙ නිරුවත් ජායාරූප රැුසක්ම අන්තර්ජාල වෙබ් පිටුවක පලවෙලා තිබුණු නිසා. ගොඩක් අය මේ ගැන එමාට චෝදනා කරන කොට එයා අනුගමනය කළේ නිහඩ පිළිවෙතක්. හැබැයි එක් අවස්ථාවක එමා එයාගෙ නිළ ෆේස් බුක් පිටුවෙ මෙහෙම ප‍්‍රකාශයක් කරල තිබුන.

”මම කිසිම දෙයක් ගැන කලබල වෙන්නෙ නෑ. මට කණගාටුවක් තියෙන්නෙ මගෙ දෙමාපියන් ගැනයි. මම තවමත් එයාල යටතේ ඉන්න කෙනෙක්. එයාල මේ ගැන ගොඩක් හිතනව. ඇත්ත දන්නෙ මම විතරයි. කිසිවක් නිවැරදි කරන්න මට වුවමනාවක් නැහැ”

එමාගෙ ජිවිතේ එයා කවදාවත්ම පරාද වෙන්න සූදානම් චරිතයක් නෙවෙයි. කරන හැම දෙයක්ම පිළිවෙලට කරන්න උත්සාහ කරන එමා ආදරේදිනම් ටිකක් නිශ්ෂබ්ද චරිතයක්. ඒ ගැන එයා කියන්නෙ මෙහෙම දෙයක්,

”ආදරේ කියන්නෙ හැංගිලා කරන්න  ඕනි දෙයක් නෙවෙයි. ඒත් ඒක හැමෝටම පේන්න කරන්න   ඕනි දෙයකුත් නෙවෙයි.  ඕනිම කෙනෙක්ට නිදහසක් තියෙනව. පෞද්ගලිකත්වයක් තියෙනව. ඒ නිසා මම නිතරම මගේ පෞද්ගලිකත්වය මාධ්‍යයෙන් ඈත්කරලයි තියෙන්නෙ” 

එමා වොට්සන් කියන්නෙ ඇත්තටම දක්‍ෂ නිළියක්. එයාගෙ දක්‍ෂතාවන් අපේ රටේ පේ‍්‍රක්‍ෂකයින්ට ඉදිරියේදිත් දැකගන්න පුළුවන්. 2015 වසරේදී චිත‍්‍රපට කිහිපයකින්ම එමාව දැකගන්න පුළුවන් වගේම 2016 වසරේදී කොලොනියා සහ බියුටි ඇන්ඞ් ද බීට්ස් කියන චිත‍්‍රපටි වලින් එමා අපිට දකින්න පුළුවන්. මේ චිත‍්‍රපටි වල එමාගෙ සුපිරි රංගනයක් දැකගන්න පුළුවන් වෙයි කියලයි විචාරකයොනම් කියන්නෙ. කොහොම වුනත් කාලයක් තිස්සෙ හොලිවුඞ් හොල්ලගෙන හිටපු නිළියන්ට එමා වගේ තරුණ කෙල්ලො ඉදිරියේදි හොද අභියෝගයක් වෙයි කියලනම් හොදටම විශ්වාසයි. 

සටහන:- අමිල නුවන් මධුසංඛ

ලන්ඩන් වත්තේ මොනිකා දඩබ්බර කෙල්ලෙක්...

kln.ac.lk
ලන්ඩන් වත්තේ මොනිකා දඩබ්බර කෙල්ලෙක්...

වොල්ගා කල්පනී

තාරුණ්‍යය කියල කියෙන්නෙ කෙනෙක්ගෙ ජිවිතේ හොදම කාලෙ. ඒ කාලෙට නිදහසේ පියාඹල යන්න තියෙනවනම් අපිට වෙන මොනවත් ඕනි නැහැ. වොල්ගා කල්පනී කියන්නෙත් නව පරපුරේ නැගී එන ජනප‍්‍රිය නිළියන් අතර නිදහස්කාමී චරිතයක්. මුතු පලස ටෙලිනාට්‍යයෙන් රංගන චාරිකාව ආරම්භ කරපු වොල්ගා නිර්මාණ සීමිත ප‍්‍රමාණයක රඟපෑවත් මේ වෙනකොට දක්‍ෂතා සපිරි සම්මානනීය ජනප‍්‍රිය රංගන ශිල්පිනියක්. මේ දවස්වල අපිට එයාව අඟුරු සිත්තම් සහ දියණියෝ කියන ටෙලිනාට්‍ය වලින් දැකගන්න පුළුවන්. හරිම මිත‍්‍රශීලී චරිතයක් වන වොල්ගා ගැන අපිට සතුටුදායක ආරංචියක් අහන්න ලැබුන. ඒ තමයි එයා ලගදීම දවසක විවාහ වෙන්න යනවයි කියල. ඒ අපි දන්න කියන කෙනෙක්ලූ. මේ හැමදෙයක් වගේ්ම එයාගෙ පෞද්ගලික ජිවිතේ ගැනත්, වෘත්තීය ජිවිතේ ගැනත් දැනගන්න එක්කම අපි වොල්ගත් එක්ක දොඩමළු වුනා...

කොහොමද වොල්ගා මේ දවස්වල ජිවිතේ...?

ජිවිතේ ගොඩක් සුන්දරයි. සුපුරුදු සැහැල්ලූවෙන් සන්තෝෂයෙන් කාලය ගතකරනව මේ දවස්වල.

අලූත් වැඩ කටයුතු එහෙම මොනවද ඉතින්...?

දැනටනම් රවීන්ද්‍ර විජේරත්න මහතාගේ දියණියෝ ටෙලිනාට්‍යයේ රූගතකිරීම් වලට සම්බන්ධ වෙනව. ඒ වගේම මේ මාසෙ අගදි විතර අලූත් ටෙලිනාට්‍යයේ වැඩ පටන්ගන්නව.

පවුලෙ විස්තරත් කියමුකො බලන්න...

මගේ පවුලෙ අම්මයි, තාත්තයි, අක්කයි, මමයි විතරයි ඉන්නෙ. අක්ක දැන් විවාහවෙලා. එයාට දරුවො දෙන්නෙක්ම ඉන්නව.

පාසැල් ජිවිතේ ගැන කතාකළොත් එහෙම...

මම මුලින්ම කඳාන සෙබෙස්තියන් විද්‍යාලයට ගියා. පස්සෙ මොරටුව වේල්ස් කුමාර විද්‍යාලයට යන්න ලැබුණ. ඇත්තටම පාසැල් කාලෙ හරිම සුන්දරයි කීවොත් හරි.

ඔබ කලාවට පිවිසුනේ කොහොම ද...?

පාසැල් කාලෙදිමයි ඒක සිදුවුනේ. ඒ කාලෙ විජිත පේ‍්‍රමප‍්‍රිය ගුරුවරයා යටතේ රාජ්‍ය ළමා නාට්‍ය උළෙලට අපි පාසලෙන් නාට්‍ය ඉදිරිපත් කළා. එතනදී හඳුනාගත් ප‍්‍රතිභා අයිය මාව රූපවාහිනියෙ අතුරු මිතුරු වැඩසටහනට හඳුන්වා දුන්න. ඊට පස්සෙ මට සිරස රන් සිත් යාය, අයි.ටී.එන් දේදුණු හැන්දෑව, දෙරණ ලිට්ල් ස්ටාර් වගේ වැඩසටහන් වලට සම්බන්ධ වෙන්න අවස්ථාව ලැබුණ. පස්සෙ කාලෙක ස්වර්ණවාහිනී ආයතනයේ වැඩසටහනක් කරනකොට බුද්ධික කුලසේකර මහතා කරපු ආරාධනයකින් තමයි මම රංගනයට සම්බන්ධ වෙන්නෙ. ඒ ජයප‍්‍රකාශ් සිවගුරුනාදන් මහතාගේ මුතු පලස ටෙලිනාට්‍යයෙන්. 

ලඟදීම කසාද බඳින්න යනව කියල ආරංචියි...

කසාද බඳින්නනම්  ඕනි. ඒත් ලගදිම නෙවෙයි. ලබන වසරේදී තමයි විවාහ වෙන්න හිතාගෙන ඉන්නෙ.

එයත් කලාවටම සම්බන්ධයි කියලයි අපිටනම් ආරංචි...

ඔව් එයත් කලාවට සම්බන්ධ මේ දවස්වල ගොඩක් ජනප‍්‍රිය චරිතයක්නම් තමයි. දැනට ඒ ඇතිනෙ. කවුද කියල පස්සෙ කියන්නම්.

එයා වෙනත් නිළියො එක්ක රඟපානකොට බයක් නැද්ද ඔයාට...?

මම එයාව දන්නෙ දැනට වසර දහසයකට කලින්. එයා මගේ පුංචි කාලෙ ඉදන් යාළුවෙක්. ඇත්තටම එයා මට පුදුම විඳිහට ආදරෙයි. ඉතින් ඇයි මම එයාව සැක කරන්නෙ..කොටින්ම කීවොත් එයා ඓශ්වර්යා එක්ක රඟපෑවත් මට කිසිම බයක්වත් සැකයක්වත් නෑ. ඇත්තමයි...

ඔබ දැන් සම්මානනීයයි නේද...?

ඇත්තටම ඒක ලොකු වාසනාවක්. මෙවර සුමති සම්මාන උළෙලේදී ඒ සම්මානය ලැබුනෙ මම ප‍්‍රධාන චරිතයක් කරපු පළමු ටෙලිනාට්‍ය වන කොළඹ අහසේ චතුරි වෙනුවෙන්. ඒක මට ගොඩක් විශේෂයි.

දියණියෝ සහ අඟුරු සිත්තම් චරිත ගැනත් කතාකරමු...

අඟුරු සිත්තම් වල ලන්ඩන් වත්තේ මොනිකා කියන්නෙ ටිකක් වෙනස් ආකාරයේ දඩබ්බර චරිතයක්. මුලදි වැරදි කරල පස්සෙ පසුතැවෙන කෙනෙක්. දියණියෝ නාට්‍යයේ ටික්කි ගොඩක් ජනප‍්‍රියයි. සාමාන්‍ය ගෑනු ළමයෙක් නොකරන විදිහෙ වැඩ තමයි එයා කරන්නෙ. හැබැයි ගොඩක් ආදරනීය චරිතයක් තමයි.

ක්‍ෂේත‍්‍රයේ අනෙක් නිළියො අභියෝගයක් නෙවෙයිද...?

මම හිතන්නෙ හැමෝම අභියෝගයක් කියල තමයි. මට වඩා ප‍්‍රවීන අයත්, මගේ සමකාලීන අයත්, අලූතෙන් එන අයත් මම හිතන්නෙ අභියෝගයක් විදිහට. එතකොට මට තවත් හොදට වැඩ කරන්න පුළුවන්.

ආදරේ හංගගෙන ඉන්නද කල්පනාව...?

ක්‍ෂේත‍්‍රයේ අයනම් ගොඩදෙනෙක් දන්නව අපේ සම්බන්ධය. අපි නිතරම වගේ එළියට යන්නෙ එකටමයි. ඒත්  හැමෝම දැනගත්තොත් අගයක් නැතිවෙනවනෙ. ඒ නිසා විවාහය ලන්වෙලාම පේ‍්‍රක්‍ෂකයින්ට කියන්නයි හිතාගෙන ඉන්නෙ. ඔයාලටත් කියන්නම්කො එතකොට.

විවාහයෙන් පස්සෙත් රඟපානව ද...?

ඔව්.. විවාහයයි රඟපෑමයි පටලගන්නෙ නැතිව ඉදිරියට ගෙනියන්න මට පුළුවනි. රඟපෑමෙන් සමුගන්න අදහසක් නෑ.

මොනවද ඔබේ රසිකයින්ට කියන්න තියෙන්නෙ...?

මම ක්‍ෂේත‍්‍රයට ඇවිල්ල ටික කාලයයි. ඒ වුනත් පේ‍්‍රක්‍ෂකයින් මට ගොඩක් ආදරෙයි. ඒ හැමෝටම ගොඩක් ස්තූතියි වගේම මම මගේ පේ‍්‍රක්‍ෂකයින්ටත් ගොඩක් ආදරෙයි කියල කියන්න කැමතියි...

සංවාද සටහන:- අමිල නුවන් මධුසංඛ

තරුණ කෙල්ලො මට පිස්සු වැටිලයි ඉන්නෙ...

kln.ac.lk
තරුණ කෙල්ලො මට පිස්සු වැටිලයි ඉන්නෙ... 

රොබට්පැටින්සන්  

දුටුවන් මනබඳින කඩවසම් දේහ ලක්‍ෂණයන්ගෙන් අනූන තාරුණ්‍යය ඉතිරිලා යන කොල්ලෙක් මේ දවස්වල හොලිවුඞ් වල ජයකෙහෙළි නංවනව. ඒ වෙන කවුරුවත් නෙවෙයි ට්විලයිට් චිත‍්‍රපට මාලාවෙන් රසික සිත් වසගයට ගත් රොබට් පැටින්සන්. වර්තමාන සිනමාවෙ මොනතරම් ඉහළින් හිටියත්, සිනමාව පැත්තෙන් රොබට්ට කිසිම පවුල් පසුබිමක් තිබුනෙ නෑ. ඒත් නිරූපන ශිල්පියෙක්, සංගීත ශිල්පියෙක්, නළුවෙක් වගේම නිෂ්පාදකවරයෙක් විදිහටත් සාර්තකත්වයක් ගොඩනගා ගන්න රොබට්ට පුළුවන් වුනා. රොබට්ට තවමත් වයස 29 යි. පාසැල් වේදිකාවෙන් රංගන චාරිකාව ආරම්භ කරපු රොබට් සිනමාවට පිවිසුනේ හැරී පෝටර් චිත‍්‍රපට මාලාවෙන්. ඒ වුනත් රොබට්ට හොලිවුඞ් වල අයිකන් එකක් වෙන්න පුළුවන් වුනේ ට්විලයිට් චිත‍්‍රපට මාලාවෙන් තමයි. ජනප‍්‍රිය නවකතාවක් පාදක කරගනිමින් නිර්මාණය කළ මේ චිත‍්‍රපට මාලාවේ 2008 සිට 2012 වෙනකන් අඛන්ඩව චිත‍්‍රපටි පහකට සිය රංගනය ලබාදෙන්න රොබට් වාසනාවන්ත වුනා. 

එඞ්වඞ් කූලන් මුළු ලෝකෙම උන්මාදයක් වෙන කොට රොබට් එක රැුයකින් ජනප‍්‍රිය තරුවක් වුනා. හොලිවුඞ් නළුවන් අතර වැඩිපුරම අයකරන නළුවෙක් වෙන රොබට් ටයිම් සඟරාව සහ ෆෝර්බස් සඟරාව විසින් ලොව බලවත්ම පුද්ගලයින් 100 දෙනා අතරටත් පත් කළා. රොබට් ගායකයෙක් විදහට ජනප‍්‍රිය වෙන්නෙත් ට්විලයිට් චිත‍්‍රපට මාලාවෙන්ම තමයි. කවුරුත් නොදන්නව වුනාට රොබට් කියන්නෙ හොද සමාජ සේවකයෙක්. ඒ වගේම එයා මානුෂීය අයිතිවාසිකම් වෙනුවෙන් ජාත්‍යන්තර සංවිධාන වලටත් සම්බන්ධ වෙලා කටයුතු කරනව. පිලිකා රෝගීන් වෙනුවෙන් සහන සේවා සංවිධානයක් පවත්වාගෙන යන රොබට් ඇත්තටම හිත හොද කොල්ලෙක්. 

රොබට් එයාගෙ අම්මගෙ විලාසිතා ආයතනයෙන් තමයි නිරූපන ශිල්පියෙක් විදිහට කරලියට ආවෙ. වැඩිමහල් සහෝදරියො දෙන්නෙක්ගෙ බාල මල්ලි වුණු රොබට් පුංචි කාලෙත් ගොඩක් කඩවසම්. 2008 සිට 2012 වසර වෙනකම් අඛන්ඩව ලොව සරාගීම පුද්ගලයා ලෙස පීපල්ස් සඟරාවෙන් නම් කරපු රොබට් පිළිවෙලට හා ලස්සනට අඳින පළඳින තරුණයා ලෙසත් පේ‍්‍රක්‍ෂක මනාපයෙන් තේරුණා. මේ තරම් කඩවසම් ඉලන්දාරියෙක්ට තරුණියන්ගේ ඇල්ම බැල්මෙන්නම් අඩුවක් වෙන්න බෑ. රොබට්ටත් එහෙමම තමයි. රොබට්ගෙ පෙනුමට තරුණ කෙල්ලො කොයි තරම් වහ වැටිලද කියනවනම් එයත් එක්ක රැුයක් ගතකරන්නත් නොසෑහෙන්න ඇරයුම් ලැබෙනව කියලයි රොබට්නම් කියන්නෙ. 

”මම දන්නෙ නෑ මගේ තියෙන විශේෂත්වය මොකක්ද කියල. ඒ වුනත් තරුණ කෙල්ලො මට පිස්සු වැටිල ඉන්නෙ. මගේ ෆේස්බුක් පිටුවට වගේම ට්විටර් පිටුවටත් දවසකට එන පණිවුඩ වලින් බහුතරයක් මගෙත් එක්ක රැුයක් ගතකරන්න කැමැත්ත ඉල්ලල එවන ඒව. ඒත් මම කොහොමද ඒවට එකඟ වෙන්නෙ. මම දැන් විවාහකයි...”

හොලිවුඞ් නළුවන්ට නිළියන්ට පේ‍්‍රම සම්බන්ධතා වලින්නම් අඩුවක් නෑනෙ. ඒ වගේම රොබට් මුලින්ම සම්බන්ධකමක් පටන් ගත්තෙ ට්විලයිට් චිත‍්‍රපට මාලාවේ ඔහුත් එක්ක රඟපෑ ක‍්‍රිස්ටීන් ස්ටීවන් සමගයි. ඒත් ඒ සම්බන්ධෙ වැඩි කලක් පැවතුනේ නෑ. පස්සෙ කාලෙක රොබට් එයාට ගැලපෙනම කෙනා හොයාගත්ත. එෆ්.කේ.ඒ විවියන් එක්ක රොබට් විවාහ වුනේ 2014 වසරේදී. ඇය ගීත රචිකාවක්, ගායිකාවක් වගේම නර්තන ශිල්පිනියක්. තමන්ගෙ දක්‍ෂතා වලට මේ වෙනකොටත් සම්මාන රැුසක් හිමිකරගත්තු රොබට් හැරී පෝටර් සහ ට්විලයිට් සාගා එකිලිප්ට්ස් වගේ චිත‍්‍රපටි වලින් තමන් කොයි තරම් දක්‍ෂයිද කියල මුළු ලෝකෙටම පෙන්නුව. ඉදිරියේදිත් අපිට රොබට්ගෙ අපූරු රඟපෑම් ඇතුලත් චිත‍්‍රපටි කිහිපයක්ම දැකගන්න පුළුවන්. ක්වීන් ඔෆ් ද ඩෙසර්ට් සහ ලයිෆ්  2015 දී වගේම 2016 දීත් තිරගත වීමට නියමිතයි. අද වගේම ඉස්සරහටත් රොබට්ගෙ හොද හොද සෙල්ලම් අපිට බලාගන්න පුළුවන් වෙයි.

සටහන:- අමිල නුවන් මධුසංඛ