ටියුෂන් යන්න කලින් මේ ගැනත් සිතන්න...
සාමාන්‍ය පෙළ ඉවර වෙලා ප‍්‍රතිළුලත් ඇවිත් ඉවරයි. හතර වටින්ම දකින්න ලැබෙන්නෙ ටියුෂන් පන්ති ගැන දක්වල තියෙන පෝස්ටර්. උසස් පෙළ කරන්න තවත් පිරිසක් පාසැල් වලට ඇප්ලිකේෂන් දම දමා ඇවිදිනව. සුපුරුදු පරිදි තවත් පිරිසක් ඉබාගාතෙ යනවා. මේක හැම අවුරුද්දකම සාමාන්‍ය පෙළත් උසස් පෙළත් අතර සංක‍්‍රාන්ති සමයේ සිදුවන සාමාන්‍ය ප‍්‍රශ්නයක්. ඒ ප‍්‍රශ්නය කෙසේ වෙතත් ටියුෂන් පන්ති පිළිබඳවනම් ඔබ අතර පවතින අනවබෝධය නැති කරන්නම ඕනි දෙයක්. සාමාන්‍යයෙන් අපිට ටියුෂන් පන්තියක් ඕනි වෙන්නෙ පාසලේදී උගන්වන විෂය කරුණු ප‍්‍රමාණවත් නොවුනාම විතරයි. නමුත් අද සමහර ළමයි ටියුෂන් පන්ති හොයාගෙන යන්නෙ උසස් පෙළ කරන්න පාසැලක් හොයාගන්නත් කලින්. එහෙමත් නැතිනම් සාමාන්‍ය පෙළ ප‍්‍රතිඵල පිටවෙන්නත් කලින්.
ඔවුන් මේ දේවල් සිදු කරන්නෙ කොයි තරම් අනවබෝධයෙන් ද කියල ඒකෙන්ම අවබෝධ කරගන්න පුළුවන්. තමන්ගෙ පාසැල මොන වගේ එකක් ද ? තමන්ට උගන්වන ගුරුවරුන් කවු ද ? ඔවුන් උගන්වන්නෙ කොයි ආකාරයෙන් ද ? ඒ ඉගැන්වීම් ක‍්‍රමය තමන්ට තේරෙනවා ද නැතිද යන්න පිළිබඳව හෝ අවබෝධයක් ලබා ගන්න නොහැකි තරමටම අද ළමයින් ටියුෂන් පන්ති වලට හිරවෙලා. ඒකෙන් සිද්දවෙන පාඩුවනම් මේ යැයි විස්තර කරන්න අමාරුයි.
x ටියුෂන් පන්ති වලට ගෙවන මුදල් බස් වියදම් පොත්පත්
x ශරීරයට ඇතිවන අධික තෙහෙට්ටුව හා විඩාව
x අධික ලෙස මොළය වෙහෙසවීම නිසා ඉගෙනගන්නා දෙය අමතකවීම සහ කේනිති යාම
x පාඩම් කටයුතු වලට සහ විෂය භාහිර ක‍්‍රියාකාරකම් වලට කාලයක් නොමැතිවීම
x ඔබේ මවට සහ පියාට ගේ දොර වැඩ කටයුතු තනිව කිරීමට සිදුවීම නිසා ඔවුන් අපහසුතාවයට පත්වීම
මේ විදියට අපට අහිමිවෙන දේවල් ගැන කියන්න ගියොත් ඉවරයක් නැති තරම් දිග ලැයිස්තුවක් හදන්න පුළුවන්. මේ තුලින් හිමිවෙන දේවල් පිළිබඳව විශ්වාසය තැබීම හරියට සූදු සෙල්ලමක් වගෙයි. මෙයින් අපි ඔබට කියන්නෙ ටියුෂන් යන්න එපා කියලනම් නෙවෙයි. ටියුෂන් යනව කියන එක ඔබේ සැබෑම අවශ්‍යතාවයක් ද කියන එක ගැන දෙවරක් හිතල බලන්න කියලයි අපි ඔබට කියන්නෙ. ඒ වගේම ටියුෂන් පන්තියක් තෝරගන්නකොටත් ටිකක් කල්පනාකරල බලන්න කියලත් අපි ඔබට කියන්නෙ ඔබට තිබෙන සැබෑම ආදරය නිසාවෙන්මයි.
සටහන :- අමිල නුවන් මධුසංඛ 
No comments:
Post a Comment